Popular Bible Verses from Atus 16

Share

Tawamhã ma ãma sada'âbâ zahuré, ãne: — Saze na, Wanhib'apito Zezusi hã. Tawamhã asõ'reptuzé hã te za asina i'uwaimra duré asõrõwa 're asiré 're isi'ubumroi mono norĩ zama.

Niwamhã mara wa'wa, Paulu duré Silaha me hã ma tô rowaptẽrẽ zahuré. 'Re ihâimana u'âsi mono ãma te duré tiwata zahuré, tinho're na. Isiré dazazéb 're isimasam norĩ hã te wapari za'ra. Tawamhã rosa'rese õ ré waptu na, ti'a hã sa'ẽtẽ ma tô popo. Tahawa ma tô dazazé 'ri na'rata nhana'rada hã sãsã'ã. Awa'awi uburé 'ridawa norĩ hã ma tô si'ridawa za'ra. Duré isi'uwazi nhorõ rudu cohẽti dazazéb 're isimasam norĩ para wasisizé hã ma tô asisina.

Taha pari, ma tô rob u sani zahuré. Tame te ãne sadanharĩ zahuré: — E marĩ wa za 'manha, danho'reptuzé te ĩsina uwaimrami da hã.

Tawamhã dazazé 'madâ'â'wa hã ma tô oto udu. Dazazéb 're 'ri're wa'wa nhitobzé 'ridawa haré isimasam na te te 'madâ'â wamhã, ma tô rosa'rata, dazazéb 're isimasa iwairébé na hã. Tahawa tinhi'wa sib'ézé 'wapa hã ma tô sisada waze, aré siwĩrĩ da. Tane nherẽ, Paulu hã ma tô 'mahâ hârâ 'rãihâ na, ãne: — Tô'ã. Tane hã 'manharĩ tõ! Uburé wa ãme aimasam ni.