Popular Bible Verses from Atus 14

Share

— Aibâ norĩ, e marĩ da, te ãne hã asiwi i'manharĩ 'wa. Wa norĩ hã ti'ai ãma a'uwẽ, asine za'ra wa'aba hã. Rowasu'uwẽ hã wa te aima wasu'u za'ra wa'aba da, wa ãmemhã wahâimana ni, ãne hã aihâimanazé, rẽme za'ra wa'aba da, marĩ dai õ hã. 'Re ihâimana u'âsi mono u aipizari za'ra wa'aba, hâiwa 'manharĩ'wai u, ti'a, â poré duré uburé marĩ iwa 're ihâimana za'ra mono te te i'apoto mono u.

Ta hã aibâ hã ma tô wapa, Paulu te te dama rowasu'u ré hã. Tawamhã Paulu ma tô 'madâ'â pese. Ma tô 'madâ'â waihu'u, aibâ ma, 'Re ihâimana u'âsi mono te te sina i'umnhasizé tãma ihâimana na, ipesezéb da hã. Tahawa, mreme 'rãihâ na te tãma tinha, ãne: — Aiwahutu! Hâiwi asa na, aipara na! Tahawa aibâ hã ma tô hâimo sime. Timorĩ na ma tô oto sãna'rata.

Isazei'wa norĩ hã siré 're isi'rã'õtõ zé mono na hã, ma tô te te apisutu zahuré, da'madâ'â'wa da hã. Ma tô te te 're rowaptẽrẽ zahuré. Sai ãna ma tô duré a'â 're hâimana zahuré. Wanhib'apito ma, ma tô isib'rata da'madâ'â'wa norĩ hã te te 're anhomri zahuré, marĩ iwasété wi te te 're a'madâ'â pese mono da, te te i'umnhasi za'ra hã.