Popular Bible Verses from 1 Samuéu 8

Share

Tawamhã ãne ma tô ãma sada'â, tãma imremezém na 'Re ihâimana u'âsi mono hã: — Te za ãma isada'âbâ za'ra, Izaraéu nhihudu norĩ te te aiwi irowaptẽrẽ za'ra na hã. Duré aiwétési te te siwi aiwẽ'õ õ di. Ĩzama ma tô duré siwi ĩwẽ'õ, Tinhib'apito za'ra na hã.

Ezitu hawi wa hã te isani za'ra hawim haré ma tô õne u'â ĩwi 're sipizari za'ra, aimawi ihâiba'õ norĩ ãma si 're wata za'ra mono da. Tahawa, ãhã na hã ma tô duré aima rob'manharĩ za'ra, õne u'â te te ĩma 're irob'manharĩ za'ra mono ne hã.

Itẽme sihutu wamhã, te ãne tãma nharĩ za'ra: — A hã ma tô aihâiba prédu pe oto. Duré ai'ra norĩ hã aihâimanazém na 're hâimana zahuré mono õ di. Tahawa, te za a hã wama i'maipisutu za'ra, wama isi'apito da hã, te te 're wa'a'madâ'â mono da, ti'ai wa'õtõ nho'õmo amoi ãma apito da te 're iséme mono ne. Tane nherẽ, Samuéu ma hã wẽ õ di, te te tiwi iwaptẽrẽ za'ra zé hã. Tahawa, ma tô tãma mre, Uburé Danhib'apito ma.

Tane nherẽ, te te ãma saze za'ra õ di Izaraéu nhihudu norĩ hã ãne na Samuéu te te ãma ipo're pu'u za'ra zém na hã. Tahawa, ma tô ãne tãma nharĩ za'ra, iwa'rãmi: — Mare di. Apito si wa tô wasima wẽ za'ra ni.