Popular Bible Verses from Hebreos 6

Share

Eni ga miydëy pjl̈ú ga l̇l̇ëye koshëy l̈öng l̈i, e shäryë eni. E kjĩshko ga shji wotjl̈ĩk obl̈ë obl̈ë l̇l̇ëm, shji wotjl̈ĩk ber l̈öng kjrinaso eröe. Shji mär ber l̈öng Jesús go. E öötong sök Sbö bokshto kjok dogo bi bäm go, ga beno shäng syõshtaga kësbangyo ĩyado bi kjĩshko, Melquisedec dik.

Sbö woydëmi ara kjĩshko ga ba nopga kjimtoromi ara, ga shäryëmi l̈öng eni obi. Sbö wotjl̈ĩk bek ĩyado, ga l̇l̇ëbo shäryëmi l̈öng l̈i woyojeya l̇l̇ëme.

Sbö jyõrkë l̇l̇ëme. L̇l̇ëye l̈e jl̈õkoyo l̈i, e shärye kjl̈uwe. L̇l̇ëye l̈e ba ko go l̈i, e shärye kjl̈uwe bakoe. Ga shji töktong ba shwoy, ga rokoroy ba kong ga shji döya. Eni ga miydëy ga l̇l̇ëye l̈ara l̈i shärye eni kuzong ga shji beno l̈öng wopjl̈úe.

Bäm go ga tjl̈õkwo l̈araba bomi kong ara. Cristo tjl̈õkwo wẽl̈ë l̈i l̈araba bomi kong. L̇l̇ëbo owa shäryëy l̈öng l̈i, e rayëy sorë, shji wol̈on l̇l̇ëm wl̈o, e l̈araba bomi kong. Shji mär Sbö go sorë, e l̈araba bomi kong. Shji wë sorë, e l̈araba bomi kong. Shji orkwo ië ëng kjing go sorë, e l̈araba bomi kong. Nopga wol̈ono l̈öng l̈i woshrë iröng obi sorë, e l̈araba bomi kong. L̇l̇ono ga nopga shdũya Sbörë ĩyado wl̈o sorë, e l̈araba bomi kong bakoe. Tjl̈õkwo uunkong ëre l̈araba bomi kong pjir tjän. Gueniyo woyde ga e l̈anyotkëy ame, shji opping tjl̈õkwo kjang l̈i go dey, nopga wotjl̈ĩk këkboga dik wl̈eni.