Popular Bible Verses from Colosenses 1

Share

Shji l̈öng kjok ro sĩ roy wl̈eni obishko ga shji döra Ä wl̈oshko dwayo. Ga ba Wa woyde ara l̈i, e iara beno shäng bi pjl̈uyo shara.

Ba go ga l̇l̇ëbo uunkong shäryara Sbörë. L̇l̇ëbo tjeng kjok dogo, l̇l̇ëbo tjeng kjok ëre kjing go, l̇l̇ëbo wẽl̈ë, l̇l̇ëbo ĩgöy l̇l̇ëm, sëya l̇l̇ë dbo ara wl̈eniyo, obl̈ë ichagaga wl̈eniyo, e shäryara ba go uunkong, ga uunkong l̈i twara beno ba kong bakoe.

L̇l̇ëbo shäryak l̇l̇ëm obishko ga e sök tjän. L̇l̇ëbo tjeng kës l̈i mär ber tjeng ba go. Cristo l̇l̇ëm ga e tjeng ame.

Sbö, e ĩgöy l̇l̇ëme. Gueniyo Cristora ĩnoy, ga e so Sbö kjoyoe. Kjok shäryayde Sbörë l̇l̇ëm obishko ga Cristo sök tjän. L̇l̇ëbo shäryara Sbörë kës l̈i, e iara beno tjeng ba wl̈oshko.

E kjĩshko ga pjãy roy kurorwa tek l̈ëkong ga tjawa beno l̈öng syõshtë bomi kjĩshko ĩyado. Rokërwa Sbö kong ga ba kjok miydë l̈i twe ba Sëyarë bomi kong, l̇l̇ëye woyde shäryëmi l̈i miydëmi wẽl̈ë wl̈o. Rokërwa ba kong eni, l̇l̇ëbo pjl̈ú shäryëmi ĩyado wl̈o, e miydëmi jek këgong këgong wl̈o bakoe. Eni ga Tjl̈apga Jesús ber wopjl̈ú bomi kong, pjãy jëk nopga baĩya dik kjĩshko.