Popular Bible Verses from Róma 12

Share

Ne jirya̱ju̱dera jijechipiya̱jada, daryaday rani̱cha diye runda jachipiya̱jadantiy; jirya̱janumityara ta̱riy jachipiya̱jada vadirajisiy, jirya̱tidye datya varirya Ju̱denu va̱tara, jiryatiy samirya darya, ji̱chana̱tya̱ jarye, ne ra̱su̱tyechara tara varidye, mitya.

Ramuni̱ rayasanta jirye, ratyeryi̱veda, jiryatiy sa̱ntyumya̱ Ju̱denu jiryiva, jirya̱jnutatyara jivyu̱ simu, daryatiy sasa̱yada Jesúsra jivyu̱ vuryeyadaju̱, sabatyeda variy vuryeyadaju̱ntiy. Daryantiy jirya̱jnutatya jnu̱vye simuju̱yu, jiintyasavay saju̱, jirya̱tidye jvaay si̱chana̱yadaju̱. Jirya̱ntya siitye jiryevya̱ta̱damu saju̱, ne jiryi̱nu̱y jidyivyi daryamusiñi̱.

Vurye̱cha jaryi jvaavye, ne pituvye; vuryi̱ntumu vurye̱cha vani̱ravay; vu̱yntyityu̱ju̱ vurye̱cha nu̱tyu muchechimyi siityevay; vurya̱jchana̱chara vu̱yntuyadamu; jaryi paru̱cha̱riñube vichasara, vurya̱jachi̱niy tapimusivyu̱y; vurya̱jiriryi̱sarara Ju̱denujsa̱ tu̱choda; vurya̱jmu̱tya riy vu̱tyeryi̱veda, Ju̱denumu tuva̱chuvay tarata ratiy su̱tyeryi; vurya̱jiriryi̱ samirya vichatadeda riy jañu̱vye.

Ne vurya̱sabonityaniy ramusivyu̱y, jiryatiy ruvaay tavarya va̱cha jvaayada daryaju̱; vurya̱saboniy ji̱tara nicyara̱y jvaayada samirya jvaayadata.

Vurya̱va̱ta samiryamuju̱ vu̱dyevyu̱y nu̱tyu vu̱vya̱tasaratiy samiy nu̱ñi taryi̱vedantivyu̱y; varityi sito̱taniy vu̱tyeryi̱ra samirya jvaayada, vu̱ñi ra̱jchana̱tya munatya rivani̱.

Ne vurya̱va̱ta vuryi̱tu̱yadamu vu̱y; vurya̱javittyucharara nicyara̱y, vurye̱cha rupanichavay samiryamu.

Va̱ vu̱ñi̱day, vurya̱vichasara samirya variy rusa̱ ti̱ta̱ju̱.

Jiryatiy rivyichaniy nicyara̱y vu̱ñijyu̱, ne vurya̱ta̱ryataniy nicyara̱tya riy, ra̱ma̱cho̱ mitya. Jasiñi̱ ra̱ma̱cho̱ saju̱ Ju̱denu, ni̱numa ra̱jto̱taniy vu̱jyu̱ dárya, tapi nu̱charanuma daryaju̱ darya saniquejada day: Rajyu̱numa ra̱cha jto̱tadeda day. Ray ji̱ta ra̱murichenutaniy varirya, su̱tay Vu̱yntyityu̱.

Vurye̱cha jaryi jvaavye, ne pituvye; vuryi̱ntumu vurye̱cha vani̱ravay; vu̱yntyityu̱ju̱ vurye̱cha nu̱tyu muchechimyi siityevay; vurya̱jchana̱chara vu̱yntuyadamu; jaryi paru̱cha̱riñube vichasara, vurya̱jachi̱niy tapimusivyu̱y; vurya̱jiriryi̱sarara Ju̱denujsa̱ tu̱choda; vurya̱jmu̱tya riy vu̱tyeryi̱veda, Ju̱denumu tuva̱chuvay tarata ratiy su̱tyeryi; vurya̱jiriryi̱ samirya vichatadeda riy jañu̱vye.

Tapi daryatya sasa̱yada Ju̱denu mitya rivaayadaju̱ tara ray, ri̱tay nu̱ñi ti̱quimusiy jiryivantiy: Ne vu̱ryijechipiya̱ jaryi vu̱ñijyu̱ vu̱y, jiryatimyu̱ ne darya davyu̱y; vurya̱jachipiya̱ ji̱ta datya̱da jachipiya̱jadata, daryasa̱ra̱ju̱tiy sasaranunumaya̱jada Ju̱denu vu̱jyu̱ra jijyu̱ jvaayada jachipiya̱jada, ramutiy vu̱tyuva̱chusara simu.

Ne vurye̱chaniy nicyara̱ñi̱ ni̱tiy vichaniy nicyara̱vyu̱y. Vurya̱jantya jvaayadara jiryatiy samirya nijya̱nvay diyara.

Vurya̱jachipiya̱ sanijyu̱ vu̱tyeryi̱ daryatiy vu̱vya̱ta sa̱jachipiya̱ vu̱ñijyu̱; ne vurya̱jachipiya̱: Sayadaju̱numa ray. Vurya̱jvaay vatajuu rusa̱ jantyuyadavay, ne vurya̱jachipiya̱ vinu vu̱jyu̱.

Variñumatiy ji̱ta sa̱jachi̱ vu̱myityasiy, vurya̱potyaniñi̱; sa̱numatiy jchu̱mu̱y, vurya̱jatutaniy varintyiñi̱. Darya jvaayadata ji̱ta vurya̱jantaniy variñi̱, sa̱mo̱ randavu̱vay variy yana̱damu.

Vurya̱tu̱chu sisa̱ Vuryi̱ndenu sa̱tidye vichaniy samirya variryi rityi jarupanu vu̱y; vurya̱jtay samirya ruuva; ne vurya̱javityiye̱ryi. Vurya̱jchana̱y rusa̱ jchana̱vye, vurya̱ju̱na̱y rusa̱ ju̱na̱vyentyi.

Vurye̱cha jaryi jvaavye, ne pituvye; vuryi̱ntumu vurye̱cha vani̱ravay; vu̱yntyityu̱ju̱ vurye̱cha nu̱tyu muchechimyi siityevay; vurya̱jchana̱chara vu̱yntuyadamu; jaryi paru̱cha̱riñube vichasara, vurya̱jachi̱niy tapimusivyu̱y; vurya̱jiriryi̱sarara Ju̱denujsa̱ tu̱choda; vurya̱jmu̱tya riy vu̱tyeryi̱veda, Ju̱denumu tuva̱chuvay tarata ratiy su̱tyeryi; vurya̱jiriryi̱ samirya vichatadeda riy jañu̱vye.

Daryani̱ yinu̱y ti̱quimusiy ranantaya̱ rajuura jvaatya̱, jadchiy ji̱ta rivasiy rasiquityaja̱ tara va̱cha jvaatya̱ntiy, daryadantyi, dañuma vu̱ñi̱cha rajuu Ju̱denu siityari̱vay, Crístumu ji̱ta vu̱vyichasara ti̱qui day, vurya̱tidye jvaay ji̱tyojomura sivaayada variy.