Popular Bible Verses from Santiyácu 4

Share

Ramuni̱ vurya̱siitye saju̱ Ju̱denu. Vurya̱vanu̱tya ra̱jisiy bayantu jatachoda vu̱y, sa̱bay variy vu̱myo̱musiy.

Vurya̱tuudiñi̱ Ju̱denu, sa̱tidye tuudi varintyidyevyu̱y. Jirya̱pu̱y riva jijyomutu va̱cha jvaayadajisiy, juuchatavay; jirya̱vasenura jijechiy, jiryatiy rajachipiya̱ rajuura va̱cha tajijyu̱.

Jirya̱jada Ju̱denu na̱cho̱ju̱ jijyuuchuvediva variy, sa̱ndyetyate nubesityanitye jiryentyi.

Sasa̱y ji̱ta jaryivya̱ju̱ vu̱rya jivyanu̱yada, vurya̱tidye rupi variy vinu sisa̱. Ramuni̱tiy rú̱tay nu̱charamu: “Sayaro̱nu Ju̱denuni̱ yinnuva̱ñu, sasa̱y ji̱ta yimu̱tya̱dani̱ jiryatimyu̱ ne yinnuva̱ñu̱dañi̱.”

Ramuni̱day, ni̱tiy datyara samirya jvaayada, jiryatiy ne sivaay variy samirya, saju̱ ni̱dyerya juuchuveda varidye.

Jiryetyi va̱ta siva Ju̱denura, ne jiryi̱mutya̱ra, va̱chamusiy jiryejechiñu̱y siva daryaju̱ra, jirya̱tidye pa̱tya jiñi̱ru̱yadamu varintyirya.

Jiryi̱nu̱yada ramiy daryaju̱ni̱ Vuryi̱ndenu. Ne jiryedyetyaru̱y, ni̱tiy ju̱tya daryaju̱ rusa̱ rityimyu̱ ne Ju̱denumu tuva̱chuvadye, ramuni̱ savicha Ju̱denu mityasiy variy. Ramuni̱day ni̱tiy vicharu̱y rijemyicyu jiryatimyu̱ ne Ju̱denu siityari̱vadyeryi, savicha Ju̱denu mityasiy variy.

“Ta̱rimyusiy ra̱jiya tajijyu̱, varimyata tanijya̱quisa̱ra̱ju̱, jasityi ra̱ta̱ryu̱rya ju̱vaadyi, ramurichiryatiy ra̱ca̱na̱y.” Jachú ji̱ta, ne vurya̱nique ji̱ta daryá, vu̱dyetyaviy, ta̱rijyu̱vidye sa̱jnu̱tyaniy Vu̱jye̱vyu̱y, vurya̱niquejay darya. Ne vu̱dyetya ta̱rijyu̱vidye ra̱cha vuryi̱nu̱yada, temusiy taraquiju̱ni̱ dyetya ra̱cha, temusiy ta̱ripyumusiy ra̱caray vuryi̱nu̱yada nu̱tyu rajiruju̱ryanube.