Popular Bible Verses from 1 Coríntyu 15

Share

Ramuni̱, ratyeryi̱veda jaryi ravya̱tasavay, jirya̱ma̱ vichasara suru̱vye, ne siquityavay jijechipiya̱jadamu. Jirya̱ma̱ jasa̱chujaya̱ra yivaayada Ju̱denumu, jiryedyetyi̱satya daryaju̱: Ne ra̱ma̱cho̱ mitya Ju̱denumu vuryivaayada paru̱cha̱rimyusiy.

Vuryi̱chana̱tyasarani̱ Ju̱denu ni̱tiy ca̱na̱tyaniy Vu̱yntyityu̱ Jesucrístumusivyu̱y. Saca̱na̱tyaniy juuchuvedanijyu̱, parutedanijyu̱ jarye.

Ne jirya̱quivu̱chu darya jachipiya̱jadatayu. Vu̱tyi rupi rusa̱ nicyara̱y jachipiya̱vay, ra̱jarapu̱chara vu̱vyicha̱da ru̱co̱siy.

Mitya Ju̱denu va̱ta̱damusiy rañi̱cha daryatiy rañi̱cha. Ne rá̱ma̱cho̱ mitya sava̱ta̱da rañijyu̱, jiryatiy rivaayada ji̱ta paru̱cha̱riy jaryiñu̱ ruumusiy ratyevay nusu̱byimidye, dañumamu̱y ne raryi jvaarya, Ju̱denu va̱ta̱da ji̱ta jvaachara rimusidyerya.

Variñi̱ ji̱ta, jiryatiy vu̱vyu̱ paruti̱sara ra̱ti̱tuy ju̱na̱reju̱ jnu̱yadaju̱, vu̱vyu̱ diiyasara jarye ra̱chasara ne diiyasara nu̱day, sa̱jto̱taniy Ju̱denu varirya yiteda, jiryatiy nu̱charara: Raramichusa̱danuma diiyada, Ju̱denu ca̱na̱yadamuju̱yu. ¿Tera variy diyera jiryatiy jivyuunusara nu̱y, diiyada, te? ¿Tena̱ jipyurichiy, diiyada, te? Diiyada purichiy ji̱ta juuchuveda day. Ju̱denu jtedamusiy vu̱dyetyara vu̱jyuuchuveda, vu̱dyetyantiy vurya̱diiy ru̱co̱siy. (Vu̱ñumatiy juuchuvay, rasu̱y diiyada jipyurichitya vu̱y, vu̱dyiiy variy ru̱co̱siy. Jiryatiy su̱bay Ju̱denu yitedamu juuchuvedajisivyu̱y, vu̱jyuuchuvaryu̱y jaryi variy ru̱co̱siy.)

Jirya̱tuva̱chura jiryatiy ra̱tu̱chu jiryivara dutyasara datya̱da: Dañumamu̱y ne vurya̱ma̱y ti̱ta̱ju̱ diiyadamu, vurye̱cha ti̱tunusavay ti̱ta̱ju̱, mityamusiy, vu̱me̱chiryuya̱jadamu, tamitya natutya̱ suuyadamu jarye. Ra̱suy daryaju̱ natutya̱, rirya̱mi̱sa̱sumiy diibyimiy variy ranchiy, ne rirye̱cha diiyasavañu̱day, vu̱y ji̱ta ra̱cha ti̱tunusavadye.

Tapi nu̱tyu rajo̱ta̱da diiyada ti̱quinchiy, daryamusiy rajo̱ta̱da diiyadamusiy mi̱sa̱da ti̱quinchintyi. Daryani̱ vu̱dyiichara ti̱ta̱ju̱ nijya̱nvay vu̱myunatyi̱ Ará̱bamyusiy, daryaday sa̱mi̱sanichara Ju̱denu Crístumusintyivyu̱y.

Tapi vu̱vyu̱ paruti̱sara, ra̱ti̱tuy ju̱na̱reju̱ jnu̱yadaju̱. Jiryatiy vu̱ñi̱cha diiyasavay, vurye̱cha variy ne diiyasavañu̱dantyi.

Sa̱ntya nusu̱chara Crístu jasicha̱ra̱ju̱tiy sabamya̱ Ju̱denu riy samityasimyi ti̱ta̱ju̱ jiñumutujare. Sa̱parutasara tamityara jimyityasiy jiryatiy diiyada darya, sa̱saboniy Ju̱denu daryaju̱ ti̱ta̱ju̱ Cristu numutujareju̱ra. Jiryatiy su̱teda: Ra̱sabonicharara ti̱ta̱ju̱, vandanuma vu̱jyu̱ra jiryatimyu̱ ne sa̱saboniyu, ni̱tiy saboniy ti̱ta̱ju̱ra.