Popular Bible Verses from 1 Coríntyu 11

Share

Daryatiy riibyedivasiy, siredara jatuvu̱, su̱teda varintyi: Jirya jatusarata radyityanu diye vadi jnu̱yadanchiy jirye, jiryatiy Ju̱denu jtedamuju̱ darya, jiryatiy raryi rayndaja̱ murichiryara. Jirya̱tiy jatusarara, jirya̱ma̱ jachipityasara riva ray. Tapi jiryi̱myiñumatirya jirya pa̱, jirya̱tu jatuvu̱vimusiy risa̱ju̱ntiy, jiryetyu̱chusara ranchiy variy jiryatiy sabatyeda vuryeyadaju̱.

Tapi ray ji̱ta jmutya̱jada Ju̱denumusirya, ratyu̱choda jiryivantirya, jiryatiy sivaayada Vu̱yntyityu̱ Jesúsra. Variy nupora ji̱ta jasityi ribeyada batyedaju̱ni̱, sireda ji̱tara pa̱ variy, si̱chana̱tya̱da variñi̱ jijye̱ Ju̱denu ranijyu̱ pa̱. Saruvejada ji̱ta varirya pa̱, su̱teda ji̱ta: Jirya̱jnu̱rya jirya rimusiy nu̱tyu ravyu̱ jiryatiy jiryeyadaju̱ darya. Jirya̱jmutya̱jaya̱ra jirya̱tidye jachipityasara rata ray.

Rirya̱ma̱ jantya munatya nu̱ñi ti̱quimusiyu, samiryavidye rajechipiya̱jada ranchiy Crístu batyeda jiyadaju̱. Rivasiñuma ji̱ta sa̱jmyirya pa̱, sa̱jatu jatuvu̱vimusiy varintyi. Si̱myiñumatiy vanura pa̱, varimyata sa̱tunumatiy yatuvu̱vimusiy, netimyu̱ ne sajachipitya samirya Jesucrístu batyeda jiyadaju̱, satiitya variy jiyadaju̱ra jijyuuchuveda murichirya.

Ramuni̱tiy ni̱tiy jmyirya pa̱, sa̱tu variy jatuvu̱vimusintyi, netimyu̱ ne sajachipityaja̱ samirya Jesucrístu batyeda jiyadaju̱, sayasay variy Jesucrístu munusa̱divayu.

Jirya̱siityari̱ rivaayadamu ray, nu̱tyu ratyi siityari̱ sivaayadamu Crístuyu.