Popular Bible Verses from MACIU 27

Share

Ia ni rauta na tolu na kaloko ena yakavi, sa qai kaci ena domo levu ko Jisu, ka kaya, “Ilai, Ilai, lamasapakacani?” na kena i balebale, “Noqu Kalou, noqu Kalou, o ni sa biuti au ena vuku ni cava?”

Ena gauna vata o ya, a sa kasei rua na i latilati ni Valenisoro, mai cake ka kauta ki ra, ka uneune na vanua, ka kakavidavida na veivatu lelevu; a sa tadola mai na veibulubulu, ka vakaturi cake tale mai na mate e vuqa na tamata ni Kalou era sa mate tu.

Sa qai kaci tale ena domo levu ko Jisu, ka solia yani na yalona.

Ni sa raica na uneune kei na veika kecega sa yaco oqo o koya na turaganivalu kei iratou na sotia ka yadravi Jisu voli, a ratou sa rere vakalevu, ka kaya, “Sa i koya dina oqo na Luve ni Kalou!”

Sa qai butobuto na vanua taucoko mai na sigalevu tutu ka yacova na tolu na kaloko ena yakavi.

Sa qai kaya vei ira o Pailato, “Ia na cava ga me'u qai cakava vei Jisu o koya sa vakatokai na Mesaia?” Era sa qai kaya kecega, “Vakota ki na kauveilatai!” Sa qai kaya o koya, “Ena vuku ni cava, na cava na ka ca e cakava o koya?” Era sa qai qoqolou vakalevu cake ga kina, ka kaya, “Vakota ki na kauveilatai!”