Popular Bible Verses from MACIU 18

Share

Ni tikina ga e soqoni kina e lewe rua se ratou lewe tolu ena yacaqu, au sa tiko ena kedratou maliwa.”

“Au sa kaya talega vakaidina vei kemudou, kevaka e lewe rua vei kemudou e rau sa lomavata e vuravura me rau kerea e dua na ka, ena vakayacora vei rau ko Tamaqu mai lomalagi.

Sa qai kaciva mai e dua na gone lailai ko Jisu ka vakaturi koya ena kedratou maliwa, ka kaya, “Au sa kaya vakaidina vei kemudou, kevaka dou sega ni veisau, ka yaco me vaka e dua na gone lailai, dou na sega sara ni curu ki na matanitu vakalomalagi.

O koya sa levu duadua ena matanitu vakalomalagi sai koya na tamata sa yalomalumalumu ka sa vakataka e dua na gone lailai vakaoqo.

O koya vakayadua sa kidavaka e dua na gone lailai vakaoqo ena yacaqu, sa kidavaki au vakakina.

“Au sa kaya vakaidina vei kemudou, ni ka kecega dou vauca e vuravura ena vauci talega mai lomalagi, kei na ka kecega dou sereka e vuravura ena sereki talega mai lomalagi.

A tinia ko Jisu ka kaya, “Ena cakava talega vakakina vei kemudou ko Tamaqu mai lomalagi ka vakavo ga kevaka dou sa vosoti ira na wekamudou mai na vu ni yalomudou.”

“Kevaka e dua sa vakavuna me cala e dua vei ira na lalai oqo, e vinaka cake vua me vesu ki domona e dua na i qaqi vatu levu ka vakadromuci ena wasawasa titobu.

“A cava dou sa nanuma? Kevaka e dua na tamata sa dua na drau na nona sipi, ka sa mani yali e dua vei ira, ena sega li ni biuti ira tu mai na ciwasagavulu kaciwa ena veidelana ka la'ki vakasaqarai koya sa yali?