Popular Bible Verses from VUNAU NI SORO 26

Share

Au na lako vata voli kei kemuni; ka'u na nomuni Kalou, ka o ni na noqu tamata.

au na qai vakatauca vei kemuni na uca ena kena gauna taudonu, ka na sautu sara na vua ni qele, ka na vuataka na vuana na kau ni veiwere.

Kevaka o ni sa talairawarawa ki na veika au sa vakarota vei kemuni, ka muria na noqu lawa

Au na solia na bula vakacegu ki na nomuni vanua, ka o ni na moce koto ka sega ni rerevaka e dua na ka. Au na kauti ira laivi na manumanu ca ni vanua, ka ena sega talega ni yaco kina e dua na i valu.

Au na vakalougatataki kemuni ka vakatubura na nomuni kawa; ka'u na maroroya na noqu veiyalayalati kei kemuni.

Ni sai au ko Jiova na nomuni Kalou, ka'u a kauti kemuni tani mai na vanua o Ijipita. Au a sereka na i vesu ni nomuni i vua, ka qisi kemuni mo ni lako ena dodonu kei na galala.

Au na tiko kei kemuni ena noqu vale tabu ka'u na sega ni vakanadakui kemuni.

Sa kaya ko Jiova, “Mo ni kakua ni cakava vei kemuni na kalou lasu, se matakau ceuceu, se vakaduria e dua na i vakatakarakara e buli ena vatu, mo ni cuva kina. Ni sai au ko Jiova na nomuni Kalou.

Na veika o ni tamusuka mai na i teitei ena levu cake sara ka veirauti me dua na yabaki, ia o ni na sova laivi tale na kena sa makawa me rawa ni tawa vou yani na ka vou.

Era na vakasavi ira na lewe drau e lewe lima wale vei kemuni, ka lewe dua na drau vei kemuni era na vakasavi ira era lewe tini na udolu; ia era na bale e matamuni na nomuni meca ena i seleiwau.

Ena ka levu sara na veika ena basika mai na qele ena veiwere, ka o ni na tamusuki sila tikoga ni sa yaco mai na gauna me veti kina na qerepi, ka o ni na beti qerepi tikoga ni sa yaco mai na gauna ni kakaburaki itei ni sila. Ena sautu sara na vanua ena kakana mo ni kania, ka tiko vakacegu ena nomuni vanua.

O ni na vakasavi ira na nomuni meca, ia era na bale ena i seleiwau ena matamuni.

Ni vakatabuya na noqu Siga ni Vakacecegu kece, ka doka na noqu i tikotiko tabu: Ni sai au ko Jiova.