Popular Bible Verses from Vakatakila 16

Share

“Rogoca! Au na lako yani me vaka na daubutako! Sa kalougata o koya sa yadra tiko ka maroroya tiko na nona i sulu, me kakua kina ni veilakoyaki luvawale voli ka vakamadualaki ena matana levu!”

A sa qai sovaraka na i kaono ni agilosi na nona bilo ki na uciwai levu na Uferetisi. A sa maca vakadua na uciwai, ka sa vakarautaka oqo na sala me baleti ira na tui eso sa lako mai na tokalau.

Sa i iratou oqo na yalo ni tevoro sa dau cakava na veicakacaka mana eso. O iratou na yalo e tolu oqo sa lako yani vei ira na tui ni veivanua e vuravura taucoko, me vakasoqoni ira vata mai ki na i valu ena siga bibi o ya, na Siga ni Kalou Kaukauwa.

Au sa qai raica e tolu na yalo velavela sa vaka na boto na kedratou i rairai. Eratou sa lako mai na gusu ni drakoni, mai na gusu i koya na manumanu rerevaki, kei na gusuna na parofita vakailasu.

Era sa kama vakaca sara na tamata mai na katakata vakadomobula oqo, ka ra sa vosavakacacataka kina na yaca ni Kalou, o koya sa lewa na veika ni veivakararawataki oqo. Ia era sa sega ga ni vuki tani mai na nodra i valavala ca ka vakacaucautaka na nona lagilagi.

A sa lako yani na i matai ni agilosi ka sovaraka na nona bilo ki vuravura. A sa tauvi ira kina na tamata sa tu vei ira na nona maka na manumanu rerevaki kei ira era sa dauqarava na kena i vakatakarakara na vidikoso ca ka rui mosimosi.

A ratou sa vakasoqoni ira vata mai na tui ki na vanua sa vakatokai ena vosavakaiperiu o Amaketone.