Popular Bible Verses from Vakatakila 1

Share

“Oi au na Alifa kei na Omeka (na i vakatekivu kei na i vakataotioti),” sa kaya na Turaga na Kalou Kaukauwa, o koya sa bula tiko edaidai, a sa bula mai liu, ka na bula tikoga ena veisiga ni mataka.

Oi au o koya sa bula! Au a sa mate, ia oqo ka'u sa bula tikoga ka tawamudu. Sa tu talega vei au na kaukauwa ni kena lewai o mate kei na vuravura ni mate o etesi.

Sa kalougata o koya sa wilika ka rogoca na vosa ni parofisai oqo, ka vakabauta na veika sa volai kina; ni sa voleka sara na gauna me ra na vakayacori kina.

Ia ni'u sa raici koya, au a qai bale sobu ki yavana me vaka na tamata sa cibati koya. A sa tabaki au ena ligana i matau o koya, ka kaya, “Kakua ni o rere! Oi au na i Vakatekivu kei na i Vakataotioti.

Raica, sa lako mai o koya ena dela ni veio! Era na raici koya na mata kecega, o ira talega era a suaki koya. Era na tagicaki koya na veimatatamata kece sara e vuravura. Sa na yaco ga me vakaoqo! Emeni!