Popular Bible Verses from Tiko Voli mai na Lekutu 22

Share

A sa qai dolava na gusu ni asa o Jiova, ka sa mani vosa na asa vei Balami, ka vaka, A cava li ka'u sa cakava vei iko, o sa mokuti au kina vakatolu?

A sa qai dolava na mata i Balami o Jiova, ka raica ni sa tu ena sala na nona agilosi ka taura tu na nona i seleiwau; a cuva o Balami, ka bale sobu vakatoboicu.

Sa qai kaya vua na agilosi i Jiova, Na cava o sa mokuta kina vakatolu na nomu asa? Au sa lako mai me'u mai tarovi iko, ni sa sega ni dodonu vei au na nomu i valavala.

A sa kaya tale vei Balami na asa. Oi au na nomu asa se sega, ka ni o sa dau vodoki au ena nomu bula taucoko ka yacova na siga oqo; au dau cakava li vakaoqo vei iko? A sa kaya o Balami, E sega.

A sa qai kaya vua na asa o Balami, Ni o sa vakalialiai au. Au diva me a tu e ligaqu e dua na i seleiwau ke'u sa vakamatei iko sara ga ena gauna oqo.

Ni raica na agilosi i Jiova na asa sa davo sobu ena ruku i Balami; a waqa mai na cudru i Balami, ka mokuta tale na asa ena nona i titoko.