Popular Bible Verses from Maciu 9

Share

Sa qai kaya vei iratou na nona tisaipeli, “Sa levu dina tu na ka me tamusuki; ia, era sa lewe lailai ga na tamata cakacaka me ra kauta mai. O koya oqo, mo dou masuti koya kina na i taukei ni veiteitei, me talai ira yani na tamata cakacaka me ra la'ki kumuna vata mai na veika sa tamusuki ena nona i teitei.”

Dou la'ki vulica mada na i balebale ni vosa oqo ni Kalou: ‘Au sa vinakata ga na yaloveivosoti ka segai na i soro.’ Au sa sega ni lako mai me'u kacivi ira na yalododonu, ia o ira ga na i valavala ca.”

Ni sa raici ira na lewe vuqa, sa lomani ira sara, ni ra vakaleqai ka biu wale tu, me vaka na sipi sa sega na kedra i vakatawa.

Ia, ni sa rogoca o koya, sa qai kaya, “E sega ni yaga na vuniwai vei ira na bula vinaka, vei ira ga na tauvimate.

Sa qai veilakoyaki voli o Jisu ena veikoro lelevu kece kei na veikoro lalai talega ka veivakatavulici ena nodra veivalenilotu, ka vunautaka na i Tukutuku Vinaka ni Matanitu, ka vakabulai ira na tauvimate kei na malumalumu kecega.