Popular Bible Verses from Roma 14

Share

Bika a tiri san Gado e tiri unu, no abi noti fu du nanga nyanyan noso dringi. Ma a abi fu du nanga san bun ini Gado ai, nanga freide èn nanga prisiri san a Santa Yeye e gi wi. Gado lobi te sma e dini Kristus tapu sowan fasi, èn sma e taki bun fu den tu.

Efu wi e libi, wi e libi gi Masra, èn efu wi e dede, wi e dede gi Masra. So, awinsi wi e libi noso wi dede, wi na fu Masra.

So, meki wi poti wisrefi fu du sani di e tyari freide èn di kan yepi wi fu yepi makandra fu kon moro tranga ini bribi.

So, meki wi no krutu makandra moro. Ma kon meki un teki a besroiti fu no de leki wan ston na pasi gi un brada.

Bika a skrifi taki: Na so Masra e taki: Soleki fa a tru tak' Mi e libi, na so ala kindi sa boigi gi Mi, èn ala tongo sa taki tak' Mi na Gado. Na so ibriwan fu wi sa abi fu gi frantwortu fu ensrefi na Gado.

Son sma swaki ete na ini a bribi, ma un mus teki den fa den de. No go hari taki nanga den abra fa den e si sani.

Suma na yu fu krutu a wrokoman fu wan tra masra? Na en basi wawan abi a leti fu taki efu a fowtu efu no. Èn a o du en wroko bun, bika Masra kan gi en a krakti fu du san a mus du.