Popular Bible Verses from Roma 12

Share

Un no mus de leki den sma fu grontapu, ma un mus meki Gado kenki un denki fu un kan de tra fasi. Dan un o sabi san na a wani fu Gado, di bun, di e gi Gado prisiri, èn di no mankeri noti.

Brada nanga sisa, fu di Gado sari wi so, meki mi e begi un tangitangi fu un gi unsrefi na Gado leki wan santa nanga libilibi offer, san e gi Gado prisiri. Dáti na a trutru fasi fu dini Gado.

Un mus prisiri ini a howpu di un abi. Un mus hori doro awinsi sma e pina unu, èn un mus tan begi.

No meki ogri wini yu. Ma du bun, dan so yu e wini a ogri.

Un mus lobi makandra leki brada nanga sisa, èn un mus sori trawan lespeki. De wan eksempre ini dati gi makandra.

A lobi san un e sori trawan mus de trutru lobi. Un no mus lobi ogri srefsrefi, ma un mus hori na ala sani san bun.

Efu a de na unu, dan un mus libi na ini freide nanga ala sma.

Lobiwan, no puru atibron tapu sma, ma meki Gado koti a krutu. Bika a skrifi taki: Na so Masra taki: Mi na a wan di o strafu. Na Mi o pai baka.

Wroko tranga, no lesi. Dini Masra nanga un heri ati.

Tapu gron fu a bun-ati di Gado sori mi, meki mi e taigi un alamala fu un no si unsrefi moro hei leki san un de. Ma un mus de na un krin ferstan. A bribi san Gado gi ibriwan fu unu mus de a marki fa un e si unsrefi.

No pai ogri nanga ogri, ma suku fu du san bun ini ala sma ai.

Un alamala mus abi a srefi prakseri. Un no mus abi heimemre, ma meki mati nanga den sma di trawan e si leki noti. No du leki yu sabi ala sani.

So efu angri e kiri yu feyanti, yu mus gi en nyanyan. Efu watra e kiri en, yu mus gi en fu a dringi. Bika na sowan fasi yu e meki a kon na syen.

Blesi den sma di de na un baka fu du un ogri. No fluku den, ma blesi den. Prisiri nanga den sma di e prisiri, èn krei nanga den sma di e krei.

Yepi den sma fu Gado na ini den nowtu. Un doro mus opo gi tra sma.

Bika soleki fa a skin fu wi abi furu pisi, èn ala pisi abi wan tra wroko, na so wi na wan enkri skin na ini Kristus, awinsi wi de nanga furu sma. Èn leki pisi fu a skin dati, wi de wan nanga makandra.