Popular Bible Verses from Apocalipsis 5

Share

Jainoaxa nato bená bewá neskati bewakana iki: “Miabichores iki atixonbi ja kirika xei bixon, jan xepoabo ras ati atipana, mia mawáni kopí; jatian ja min jimi chikotatonra marokin min bia iki, meskó axéya jonibo, meskó joiabo, meskó ani jemameabo, itan meskó jonibo, Diossenabo inon ixon.

Jabora kikinbires koshin bewai neskákana iki: “¡Ja mawáni Cordero riki, itixbi jatíbi atipana koshia iti, jatíbi jawékia iti, onan shinanya iti, itan koshi shinanya iti, jaki jakonhakin shinanti, ani, itan rabiti!” iki ikanai.

Jabora apobo itan ja non Diossen tee ati sacerdotebo min jato imaa iki. Jabaonra nato main ikana jonibo jato ikinnoxiki”, iki.

Jainxonra en ninkata iki, jatíbi ja Diossen joniaka jawékibo, naikanmeax, mainmeax, itan mai meranoa, jainoax aniparomea jawékibo, neskati bewakanai: “¡Ja ani yakatinin yakata betan ja Cordero, ibanon já non rabiti, jaki jakonhakin shinanti, ja riki ani, itan atipana koshia. Jara jatíbitian jaskara inóxiki!” iki.

Ikaxbi jain yakata westíora ancianonin ea yoia iki: “Moa winiamawe; ja judáinoa jonibo xaranmea león keska, ja David ipaoniton rareboninra moa janharesa iki. Janresa ati atipanke ja kirika xei chopekin, itan ja kanchis jan xepoa kepenkin”, akin.