Popular Bible Verses from Apocalipsis 13

Share

Nenora ja onan shinanyabo jishtiti jake; ja onanbaonra ja onsá yoinanin número onanti jake, jara jonin número iki, ja número riki sokota pacha sokota chonka sokota.

Ja onsá yoinara jatíbi nato mainmea jonibaon rabinoxikanai; jabo iki nete jonianontianbi, ja retekani Corderonin jati kirika meran jaton jane wishakaata yamaabo.

Jainxonribi aká iki; jatíbi ja kikinbo itan kikinmabo, ja jatíbi jawékiabo itan jawebiomashokobo, jato yonoaibo itan iboaxon yonokanaibo, jaton mekayao mekenhori iamaax betonkoain jato onantiakin. Jatian jaskara ja onantiaomabo, iamaax ja onsá yoinanin janeomabo, itan jawen númeroomabo ixonra, tsonbi marokin biti, itan jato maromati atipanyamakana iki.

“Ja preso itibora, preso akanti jake; ja espanin mawátibora; espadanin retekanti jake. Neskarainoaxa onanti ikanti iki, ja Diossen jonibaon ikonhaa, itan jaton koshi shinan”, iki.

Jatian en oinna iki, aniparomeax westíora onsá yoina mapetai. Ja iká iki kanchis mapoya, jainoax chonka machanya. Ja westíora machanbo iká iki maitiabo. Jainoax jawen mapobotiibi iká iki, Dios jakonmaakin yoii iká wishábo.

Jainxonribi ja Diossen jonibo betan jatoaresnon kaman, reteananti yoia iki. Jainxon jatíbi meskó axéya jonibo, jainoax ani jemabo, meskó joiabo, itan jatíbiainoa ikana jonibo jawen keena keskáakin jato anon ixon koshi menia iki.

Jatian ja reken onsá yoina bebonxon, ja oinxon onanti jawékibo amaxonra, nato mainmea jonibo jato parana iki. Jaskáaxon jato yoia iki, ja reken onsá yoina jisáakin monumento ati, ja iká iki espadanin ramiayonkana ikaxbi mawatama. Jatian ja rabé itin onsá yoinara atipana koshi menia iki. Ja reken onsá yoina jisáakin akana yoyo inon ixon jamati, jatíbi ja rabiamai jonibo jato retenon ixon.

Ja en oinna onsá yoinara iká iki; ino keska, itan oson tae keskaya. Jawen kexá iká iki leónman kexá keska. Jatian ja roninmanra, ja onsá yoina jawen atipana koshi, jawen ani yakati, itan jawen koshi shinan menia iki.

Jatian ja onsá yoinara, rabíananbi jakonmaibiresbo Dioski yoyo inon ixon imaa iki; itan chosko chonka rabé oxe koshi shinanya imaa iki.

Jatian ja onsá yoinanin westíora mapora iká iki, mawánon ixon maxtekana keská. Ikaxbi jawen xaté moa raonxonkana benxoa iká iki. Jaskáketian oinxon, jatíbi jonibaon kikini ratéxon ja onsá yoina chibankana iki.

Jainxon en oinribia iki mai meranoax wetsa onsá yoina pikotai. Ja iká iki, ja corderona keská rabé machanya, ikaxbira ronin yoyo ikai keská iká iki. Jara ja reken onsá yoinanin koshia keská koshiaribi iká iki. Janra ja main jakanabo yoia iki, ja reken onsá yoina já bebonxon rabikanti. Ja iká iki ja mawánon ixon, maxtekana moa raonkana benxoa.