Popular Bible Verses from Romanos 9

Share

Chube tai dage kwiange me kwian tañachuge kare me kwian age no giti, kwian me ñage tañachuge ama age no giti Chube be tai dage amage, me ene, Chube tale Chube tai dage mo tale kwiange age no kwian alin.

ama Chube, ama ñage age ama ta agekalin kare. Unsuialin Chube gerudu Moisés ole: “Cha me age kwian tañachuge kare, cha age cha tañachuge kare, cha kwian gai cha takalin kare, cha tai dage amage cha age no ama alin.” Chube gerudu ene Moisés ole.

Ba geru kade ene Chube giti, e me no, ama Chube, ba kwian, ba me ñage geru kade Chube kle age kwian ole giti, Chube kwian dodadu Chube age kwian ole Chube takalin kare. Dbi unlla me ñage gerule mo dodanga ole: “¿Mineade ba cha dodadu ene?”

Chube ñage age kwian ole Chube takalin kare, kwian bai kairege Chube takalin Chube tai dage kwian enege. Kaire kwian mo chuga gbe mno Chubege, Chube takalin Chube kwian ene chuga gbe ma mno me jain age no Chube takalin kare. Boidu ene unsuialin kwian nga Egiptomu chugagwalla kada Faraón ole, Chube gerua degaba unsuialin gerule e giti, chada e gerule: “Chube gerudu Faraón ole: ‘Ba kle age cha dollale, e gdale cha ñage ba gweda agwa cha ba jige kwian Egiptomu chugagwallale, ene ba age cha dollale giti cha age mo kirallaske ba ole, ene ulita boi ba ole giti chkedale uñale kwian nga ulitage ulia cha Chube kira molen tanre.’ ” Chube gerua degaba unsuialin gerule ene.

Kwian dbi unlla dodanga age dbi ole ama takalin kare, dbi unlla dodanga dbi gweale dodade únle no trate un manade no me lle boi ege, dbi unlla dodanga dbi amaña dodade únle lle tanre boangwa. Ene kaire Chube age kwian ole Chube takalin kare, ba me ñage geru kade Chube kle age giti.