Popular Bible Verses from Romanos 8

Share

Musyansimi ima päsaptinpis Tayta Diosta kuyaqkunapaqqa lapanpis ali kananpaq kashqanta. Paykunataqa Tayta Dios qayarqan kikin munashqanno kananpaqmi.

Tayta Dios kuyamansimi kawashqapis, wanushqapis, ima päsamashqapis y ima päsamänansipaq kaptinpis. Saymi angilkunapis, ni supaykunapis, ni ima munayyuq kaqkunapis, ni jana pasacho kaqkunapis, ni pasa rurincho kaqkunapis, Tayta Dios ima kamashqankunapis paypa kuyakuyninpita rakimäshunsu. Sayno kuyamashqansita tantiyasimashkansi noqansi rayku wanunanpaq Señorninsi Jesucristuta kachamurmi.

Tayta Diosta manakurpis manami shumaqlaqa kamäpakunsisu pay munashqanno manakuyta. Sayno kashqami Espíritu Santu Tayta Diosta waqapaypa favorninsi ruwakun.

Sayno kaykaptinqa ¿imatanataq munashun? Tayta Dios favorninsi kaykaptinqa ¿pinataq contransi sharkunqa?

Saymi Jesucristucho kaqkunaqa condenashsu kayanqa. [Jusalikur kawayänanpa trukanqa Espíritu Santu tantiyasishqannömi kawaykäyan.]

Jusalikuypa munaynincho kawaqkunaqa manami Tayta Diospa nawpanman imaypis chäyanqasu. Santu Espïritupa munaynincho kawaqkunami isanqa Tayta Diospa nawpancho imayyaqpis kushish kawayanqa.

Saykuna päsamashqapis Tayta Dios kuyamashqami kushishla imaypis yärakuykansi.

Kay pasacho nakashqansikunaqa päsaqlami kaykan. Gloriacho kushikunansipaq kashqanmi isanqa imayyaqpis mana ushakaq kanqa. Saytaqa lapan shonqüwanmi criyï.

Jesucristupa kuyakuyninpita ¿piraq rakimäshun? Payqa kuyamansimi nakashqapis, lakikushqapis, runakuna chikimashqapis, mikanashqapis, mödanaynaq kashqapis, peligrucho kashqapis y runakuna wanusimashqapis.

Ruwakurmi Tayta Dios munashqannöla imaypis manakun. Espíritu Santu noqansipaq manakushqankunata Tayta Dios musyaykanmi. Payqa shonqunsi imata yarpashqankunatapis musyaykanmi.

Tayta Diospa Espïritun tantiyasishqanno kawaqkunaqa lapanpis Tayta Diospa wamrankunami kaykäyan.

Jusalikuypa munaynincho kawaqkunaqa shonqun yarpashqanta rurakuyänanpaqmi yarpachakuyan. Espíritu Santupa munaynincho kawaqkunami isanqa Espíritu Santu tantiyasishqanno kawayänanpaq yarpachakuyan.

Noqansi rayku wanunanpaq kuyay Surintapis kachaykämurqa ¿manasuraq lapan promitimashqansitapis paywan Tayta Dios cumplinqa?

Kikin Espíritu Santumi Diospa wamran kashqansita tantiyaykäsimansi. Tayta Diospa wamran karmi pay promitishqan herenciata Jesucristo chaskishqanno noqansipis chaskishun. Imano nakarpis Jesucristuman yärakurqa paywanmi gloriacho kawashun.

Jusalikuypa munaynincho kawaqkunaqa Tayta Diospa contran karmi leyninkuna nishqanno kawayta munayansu ni kamäpakuyanpissu.

Sayno kaptinmi Tayta Dios wamrankunata nawpanman shuntakunanta lapan kamashqankuna shuyaraykäyan.

Sayyaqmi Tayta Dios lapan kamashqankunapis warmi wachayta nakar lakikushqanno lakikuykäyan.