Popular Bible Verses from Romanos 11

Share

Lapantapis Tayta Diosmi kamash. Pay munaptinmi lapan imaykapis kaykan. Lapanpis paylapami kaykan. ¡Imayyaqpis Tayta Dios alabash kaykuläsun! Amén.

¡Tayta Dios seqaypa yachaq y tantiyaqmi kaykan! ¡Pay yarpashqankunata y rurashqankunata manami pipis tantiyayta kamäpakunsu!

Tayta Dios yarpashqankunata ¿pilaqa musyansuraq? Yachaq kananpaq ¿pilaqa payta yachasinsuraq?

Elías kawashqan wisannölami kananpis wakin Israel runakuna Tayta Diosta sirviykäyan. Sayno sirviykäyan Tayta Dios kuyapar akrashqanpitami. Manami imatapis alita rurayashqanpitasu paykunata akrarqan, saypa trukanqa jusayuq kayaptinpis kuyapäkuq karmi akrarqan. Imatapis alita rurayashqanpita akrarqa manami kuyapäkuq karsu akranman karqan.

Israel runakunapis sagrädu kaykarmi Jesucristuta mana chaskikuyashpan olïvu jachapita muturishno kaykäyan. Qamkunaqa olïvu jachaman injertashnönami kaykäyanki. Saymi icha olïvupa rämankunano kaykarpis say ali olïvu jachapa jaqwanpita salvacionta chaskiykäyanki. Olïvu jachaman injertashno kaykarqa ama alabakuyaysu Israel runakunapita mas väliq kayashqaykita yarpar. Manami rämasu jachata kawayta qon, sinöqa jaqwanmi.