Popular Bible Verses from Marcos 13

Share

Noqaman yärakayämashqaykipitami pïmaypis chikiyäshunki. Sayno chikiyäshuptikipis wanuyashqaykiyaq yärakayämashpaykiqa salvashqami kayanki.

¡Maya mayala kaykäyay! [Tayta Diosta manakuyay.] Manami musyayankisu imay kutimunanpaq kashqantapis>>.

<<Autoridäkunaman apayäshuptikipis ama lakikuyankisu <¿imataraq nishaq?> niyashpayki. Say hörami imata parlayänaykipaqpis Espíritu Santu tantiyasiyäshunki. Manami kikikikuna yarpäyashqaykitasu parlayanki, sinöqa Espíritu Santu tantiyasiyäshushqaykitami.

Jana pasa y kay pasa ushakaptinpis noqa nishqäkuna manami ushakanqasu.

<<Runapa Surin imay junaq imay höra kutimunanpaq kashqanta manami jana pasacho kaykaq angilkunapis ni Diospa Surinpis ni pï runapis musyayansu. Saytaqa Taytä japalanmi musyaykan.

Guërra kaptinpis y guërra kananpaq kashqanta mayarpis ama mansakäyaysu. Puntataqa saykunaraqmi kanqa. Sayno kaptinpis kay pasa manaraqmi ushakanqaraqsu.

Saymi kamarikushlana kaykäyänayki. Wayiyuq imay kutimunanpaq kashqantapis manami musyayankisu. Pasa sakaykashqan höra, pulan paqas höra, walpa waqay höra o pasa waraysuraq chämunqa. Mana yarpashta chämurqa cuidädu punuykaqta tariyäshunkiman. Manami qamkunalatasu nikä, sinöqa lapan runakunatami. Sayno wilaykaptïqa maya mayala kaykäyay>>.

Juk nacionmi juk nacionwan guërrata rurayanqa y juk marka runakunami juk marka runakunawan wanusinakuyanqa. Saynölami terremötu maysaychöpis kanqa. Muchuypis seqaypami kanqa. Say nakaykuna kanqa qalaykunalanraqmi.

Manaraq kay pasa ushakaptinmi maysay nacionchöpis noqapita wilakuyanqa.

Askaqmi jutïcho shayämunqa <noqami Cristo kä> nir. Sayno nirmi aska runakunata engañayanqa.

<<Alcäbu kakuyanki. Chikiyäshushpaykimi prësu sarirkur autoridäkunaman apayäshunki. Sinagögakunachöpis astayäshunkimi. Noqaman yärakayämashqaykipitami gobernadorkunamanpis y reykunamanpis prësu apayäshunki. Saynöpami wilakuynïta paykunatapis wilapäyanki.

Say wisanmi Cristo tukuqkuna y lula profëtakunapis yuriyämunqa. Runakunata criyisiyänan kashqami admiraypaq milagrukunatapis rurayanqa. Sayno rurarmi Tayta Dios akrashqan runakunatapis engañayta munayanqa.

<<Fiyupa nakaykuna päsarkuptinmi intipis sakakäkunqa, killapis asikyämunqanasu, qoyllarkunapis shikwayämunqa y jana pasapis suksukyanqa.