Popular Bible Verses from Mateo 6

Share

Imaykapitapis mas puntataqa Tayta Dios mandaykashqancho kawayänaykipaq y pay munashqanno kawayänaykipaq yarpachakuyay. Sayno kawayaptikiqa imata munayashqaykitapis kamaripäyäshunkimi.

Cada junaq imalapis yarpachakuyänaykipaq kaykaptinqa waray junaqpaq ama yarpachakuyaysu.

<<Sayno kaykaptinqa ama yarpachakuyaysu: <¿Imanöraq kawaykushaq? ¿Imataraq mikuykushaq? ¿Imataraq upushaq? ¿Imataraq jatikuykushaq?> nir. Manami mikuylapaq ni mödanalapaq yarpachakunansipaqsu kaykansi.

Tayta Diosta manakurqa wayikiman yaykuykur punkuykita wichqakurkur manakuyanki. Saycho kikilayki manakuyashqaykita rikarmi Taytaykiqa [lapanpa nawpancho] premiuta qoyäshunki.

Qamkunaqa Tayta Diosta kayno manakuyanki: << <Jana pasacho kaykaq Papä, qampa jutiki respitash kaykuläsun. Kay pasacho mandaq kanaykipaq shamuykulay. Jana pasacho cäsukuyäshushqaykino kay pasachöpis cäsukuykuyäläshunki.

Waran waran mikuyänäpaq mikuyta kamaripaykayälämay.

Chikimaqnïkunata perdonayashqäno noqakunatapis perdonaykayälämay.

Jusalikuyman ama kachaykayälämaysu. Saypa trukanqa mana alikunapita sapaykayälämay. [Qampa makikichömi imaykapis kaykan. Lapanpaq munayyuqmi kaykanki. Imayyaqpis alabash kaykulay. Amén.]> >>

<<Runa mayikita perdonayaptikiqa qamkunatapis jana pasacho kaykaq Taytayki perdonayäshunkimi.

Pishqukuna imano kawayashqantapis tantiyakuyay. Paykuna manami murukuyansu ni cosechayansu ni pirwakuyansu. Sayno kayaptinpis jana pasacho kaykaq Taytaykimi mikuyta puestupan. Tayta Diospaqqa pishqukunapitapis masmi väliyanki.

<<Kay pasacho riquëzata ama shuntayaysu. Kay pasacho riquëzataqa puyumi ushan, runami apakun y ismurmi ushakan. Saypa trukanqa gloriaman riquëzata churakuyay. Gloriachöqa manami puyupis ushanqasu, runapis apakunqasu ni ismunqasu. Maymanmi riquëzaykita churayanki saylamanmi shonquyki yarparaykanqa.

<<Manami pipis ishkay patronta sirvinmansu. Ishkay patronyuq karqa jukninta chikir juknintami kuyanqa. Jukninta cäsukur juknintaqa manami cäsukunqasu. Saynölami rïcu kaylapaq yarpachakurqa Tayta Diosta sirviyta kamäpakuyankisu.

Janan shonqula yärakuq runakuna, waray warantin rupasish kananpaq kaykaptinpis qewakunata kuyaylapaqta winaykäsirqa ¿manasuraq qamkunatapis nistäyashqaykita Tayta Dios kamaripäyäshunki?

Pitapis yanapäyashpayki ama wilakuyankisu. Mana wilakuylapa yanapäyaptikiqa Taytaykimi [lapanpa nawpancho] premiuta qoyäshunki.

<<Paqtäraq runakuna rikayäshunalaykipaq alikunata rurayanki. Sayno rurayaptikiqa jana pasacho kaykaq Taytayki manami ima premiutapis qoyäshunkisu.

<<Ayunayashpayki ama orgullösu runakunano kayankisu. Paykunaqa runakuna rikayänalanpaqmi almatakash puriyan. Rasunpami nï: Paykunapaqa runakuna alabayashlannami premiunkuna kanqa. Qamkuna ayunayashpaykiqa shumaq paqakuyanki y naqsakuyanki. Sayno rurayaptiki runakuna manami musyayanqasu ayunaykäyashqaykita. Runakuna mana rikayäshuptikipis lapantapis rikaq Taytaykimi rikaykäyäshunki. Paymi [lapanpa nawpancho] premiuta qoyäshunki.