Popular Bible Verses from Mateo 24

Share

Maysaychöpis jusalikur kawarmi kuyanakuyanqanasu. Sayno kaptinpis wanuyashqanyaq yärakamaqkunaqa salvashqami kayanqa.

Tayta Dios mandaykashqanpa ali wilakuyninta maysay nacionkunachöpis wilakuskiyaptinraqmi kay pasa ushakanqa.

Guërra kaptinpis y guërra kananpaq kashqanta mayarpis ama mansakäyaysu. Puntataqa saykunaraqmi kanqa. Sayno kaptinpis kay pasa manaraqmi ushakanqaraqsu.

Juk nacionmi juk nacionwan guërrata rurayanqa y juk marka runakunami juk marka runakunawan wanusinakuyanqa. Saynölami [pestipis,] muchuypis, terremötupis maysaycho kanqa. Say nakaykuna kanqa qalaykunalanraqmi.

Jana pasa y kay pasa ushakaptinpis noqa nishqäkuna manami ushakanqasu.

Askaqmi jutïcho shayämunqa <noqami Cristo kä> nir. Sayno nirmi aska runakunata engañayanqa.

<<Say wisanmi nakasiyäshunki y wanusiyäshunki. Noqaman yärakayämashqaykipitami pïmaypis chikiyäshunki. Sayno nakarmi yärakayämashqanpita qepaman askaq kutikuyanqa. Paykunami qepaman mana kutiqkunata chikir autoridäkunaman juknintapis juknintapis apasiyanqa. Lula profëtakunapis askaq yuriyämushpanmi lutanta yachasir aska runakunata criyisiyanqa.

Sayno niyaptinmi Jesús nirqan: <<Cuidätaq pipis lulapaykäyäshunkiman.

Saynöla qamkunapis kamarikushla kaykäyay. Mana musyayashqayki hörami elaqpita Runapa Surin shamunqa.

Saymi kamarikushlana kaykäyänayki. Manami musyayankisu imay junaq Señorniki kutimunanpaq kashqantapis.

<<Runapa Surin imay junaq imay höra kutimunanpaq kashqanta manami runapis ni angilpis [ni Diospa Surinpis] musyayansu. Saytaqa Taytä japalanmi musyaykan.

Say wisanmi Cristo tukuqkuna y lula profëtakunapis yuriyämunqa. Runakunata criyisiyänan kashqami admiraypaq milagrukunatapis rurayanqa. Sayno rurarmi Tayta Dios akrashqan runakunatapis engañayta munayanqa.

<<Noé kawashqan wisan runakuna kawayashqannömi Runapa Surin shamushqan wisanpis kawaykäyanqa. Diluviu manaraq kaptin arcaman Noé yaykushqan junaqyaqmi runakuna mikur, upyar y majasakar kaykäyarqan. Sayno kaykäyaptinmi diluviu elaqpita shamuptin lapanpis shenqaypa wanur ushakäyarqan. Saynölami mana musyayashqan höra Runapa Surinpis elaqpita shamunqa.