Popular Bible Verses from Mateo 19

Share

Saymi paykunata rikärishpan Jesús nirqan: <<Runakuna salvakunanpaqqa aläpa ajami kaykan. Tayta Diospaqmi isanqa imapis ajasu kaykan>>.

Sayno nikaptinqa mananami ishkaqnasu kaykäyan, sinöqa juklaylanönami. Saymi Tayta Dios juklasashqantaqa pipis rakinmansu>>.

Sayno tapuyaptinmi Jesús nirqan: <<¿Manaku liyiyashkanki Tayta Diospa palabranta? Saychömi nikan olqutapis warmitapis Tayta Dios kamashqanta. Sayno kamarkurmi Tayta Dios kayno nirqan: <Mamanpa y taytanpa makinpita runa yarqukun warminwan mana rakikaypa tänanpaqmi. Ishkaq karpis juklaylanömi kayanqa>.

Saymi discïpulunkunata Jesús nirqan: <<Wamrakunata apakayämunanta ama michäyaysu. Wamrano kaqkunapaqmi Tayta Dios mandaykashqan kaykan>>.

Askaqmi respitash kaykaqkuna manakaqman churash kayanqa. Manakaqman churash kaqkunanami respitash kayanqa>>.

<<Noqa rayku pipis wayinta, wawqinkunata, paninkunata, mamanta, taytanta, [warminta,] surinkunata y chakrankunatapis kachariq kaqqa pachak (100) kuti mastami chaskinqa. Saynöpis mana ushakaq kawaytami tarinqa.

Niptinmi Jesús nirqan: <<Tayta Dios munashqanno kayta munarqa lapan imaykaykikunatapis rantikuykur say qellayta muchuqkunata aypuy. Sayno ruraptikiqa jana pasachömi riquëzayki kanqa. Nirkur qatirämay>>.

Saymi Jesús nirqan: <<¿Imanirtaq ali ruraypaq tapumanki? Juklaylami ali ruraqqa. Mana ushakaq kawayta tariyta munarqa paypa mandamientunkunata cäsukuy>>.

Yapaymi qamkunata nï: Rïcu runa Tayta Dios mandaykashqanman yaykushqanpitaqa mas raslami camëllupis awja uchkupa ushturinman>>.

Sayno kaptinpis noqa nï: Mayqan runapis warmin mana jarukuykaptin juk warmiwan tarqa adulteriuchömi kaykan. [Saynölami runanpita rakikash warmiwan taq runapis adulteriucho kaykan]>>.

Aywakuptinmi discïpulunkunata Jesús nirqan: <<Rasunpami nï: ¡Ajami kaykan rïcu runakuna Tayta Dios mandaykashqanman yaykuyänanpaq!