Popular Bible Verses from Lucas 3

Share

Runakunata Juan bautizaykaptinmi Jesúspis bautizakuq charqan. Bautizakur Tayta Diosta manakuykaptinmi jana pasa kichakaskamuptin Jesúsman Espíritu Santu imayka palumano urämurqan. Say hörami jana pasapita Tayta Dios nimurqan: <<Qammi kuyay surï kanki. Qampitami kushish kaykä>>.

Saymi Juan nirqan: <<Noqaqa yakulawanmi bautizä. Jukmi noqapita mas munayyuq shamunqa. Paypa lanqi watunta paskapänaläpaqpis manami merëcïsu. Payqa Espíritu Santuwan y ninawanmi bautizayäshunki.

Jusaykikunata rasunpaypa wanakush karqa Tayta Dios munashqannöna kawayay. Ama yarpäyaysu Abrahampa ayllun kayashqaykipita Tayta Dios salvayäshunaykipaq kashqanta. Noqa kaynömi nï: Tayta Dios munarqa kay rumikunatapis Abraham ayllu runakunaman tikrarasinmanmi.

Mana wayuq jachakunata chakipita muturir ninaman qaykuqnömi jusalikuqkunata castigananpaq Tayta Dios kamarikushna kaykan>>.

Juan sayno wilakunanpaqmi Tayta Diospa profëtan Isaías qelqashqancho nin: <<Juk runami sunyaq jirkacho qayakuypa wilakur nikan: <Tayta Dios shamunanpaq nänita alsayay. Wenqu nänikunata derechayay. Raqrakunatapis pampasayay. Lömakunatapis parijayay. Wiksu nänikunatapis derechayay. Uchku uchkukunatapis pampasayay. Tayta Dios munayninwan salvashqantami maysaycho taq runakuna rikayanqa> >>.