Popular Bible Verses from Gálatas 5

Share

Santu Espïritupa munaynincho kawarmi isanqa kuyanakunsi, kushikunsi, jawka kawansi, pacienciakunsi, ali shonqu kansi, yanapäkuq kansi, awnishqansita cumplinsi, humildi kansi y alilata ruranansipaq tantiyakunsi. Sayno kawarqa manami ima leytapis manakaqman churaykansisu.

Saymi nï: Espíritu Santu tantiyasiyäshushqaykinöla kawayay. Sayno kawarqa manami shonquykikuna munashqanno jusalikuyankisu.

Espíritu Santupa munaynincho kaykarqa pay tantiyasimashqansino kawashun.

Jesucristupana karmi unay kawayninsita cruzcho wanusishkansina. Saymi jusalikuykuna yarpayninsiman shamuptinpis cäsupansinasu.

Lutan yarpashqankunata ruraqkunaqa [majanta jarukuyan,] fornicación jusata jusalikuyan, melanaypaq kaqkunata rurayan, shanaripakur jusalikuyan, ïdulukunata adorayan, runa mayinta brujyasiyan, runa mayinta chikiyan, rimanakuyan, cëlanakuyan, imalapitapis rabyakuyan, nanaparänakuyan, qarqunakuyan, jaqayäsinakuyan, envidiösu kayan, [runa mayinta wanusiyan,] upyalaman churakäyan, shinkakurkur lutankunata rurayan y mastami saynöla jusalikuyan. Nawpata nishqänölami kananpis albirtï: Sayno kawaqkunaqa Tayta Dios mandaykashqanman manami chäyanqasu.

Wawqi panikuna, Tayta Dios qayayäshushkanki librina kayänaykipaqmi. Librina karpis ama jusalikuyaysu, saypa trukanqa jukniki juknikipis kuyanakur yanapänakuyay.

Lutan yarpaykunaqa Espíritu Santupa contranmi kaykan y Espíritu Santunami lutan ruraykunapa contran. Saymi ishkan apänakuyaptin alita rurayta munarpis kamäpakuyankisu.

Diospa leyninchömi nikan: <<Kikiki kuyakushqaykino runa mayikita kuyanki>>. Say nishqanta cumplirqa lapan leyninkunatami cumpliykäyanki.

Sayno kawaykarqa pitapis rabyanäsir ama runa tukushunsu ni envidiösu kashunsu.

Jesucristo libramashqami Moisés qelqashqan leykunapa munaynincho kashqansipita librina kaykansi. Sayno kaykaptinqa say leykunata cumpliyänaykipaq obligayäshuptiki ama cäsupäyaysu.