Popular Bible Verses from Éxodo 7

Share

Sayno niptinmi Moisésta TAYTA DIOS nirqan: <<Shumaq wiyamay. Qamtami churashkä Faraónpa nawpancho noqapa trukä kanaykipaq. Wawqiki Aarónnami wilakuqniki kar Faraónta parlapanqa.

Sayno parlapaptinpis Faraónpa shonqunta chukruyäsiptï manami juklaqa kachapäshunkisu. Mana kachapäshuptikinami mansariypaq castïgukunawan Egipto runakunata castigashaq. Castigaykaptïpis Faraón manami cäsushunkisu. Saymi Egipto runakunata masraq castigarkur kuyashqä Israel runakunata tröpa tröparaq jorqamushaq.

Israel runakunata sayno jorqamuptïmi Egipto runakuna tantiyakuyanqa munayyuq TAYTA DIOS kashqäta>>.

Sayta rikaykurmi Faraónpis qayasirqan rikakuqkunata y brüjukunata. Paykunapis Aarón rurashqannölami rurayarqan. Saymi tukrunkunata pasaman jitaykuyaptin culebraman tikrarqan. Saychömi Aarónpa tukrun paykunapa tukrunkunata mikukurkurqan.

Kananmi musyanki TAYTA DIOS pï kashqantapis. TAYTA DIOS nimashqannölami kay aptaraykashqä tukruwan mayuta wiruptï yawarman tikranqa.

<<Faraón ima milagrutapis ruranaykipaq nishuptikiqa Aarónta ninki tukrunta Faraónpa nawpanman jitaykunanpaq. Jitaykuptinmi culebraman tikranqa>>. Sayno niptinmi Moiséswan Aarón aywar TAYTA DIOS nishqannöla Faraónpa nawpancho lapantapis rurayarqan. Saymi Faraónpa y mandäsiqninkunapa nawpancho tukrunta pasaman Aarón jitaykuptin culebraman tikrarqan.