Popular Bible Verses from Éxodo 4

Share

Sayno niptinmi TAYTA DIOS nirqan: <<¿Pitaq runapa shiminta kamash? ¿Pitaq kamakäsin upa kananpaq, wiyaq kananpaq, qapra kananpaq y ali rikaq kananpaqpis? ¿Manaku noqa kaykä? Sayno kaykaptinqa Egiptuman ayway. Parlanaykipaq kaptinqa qamwanmi kaykäshaq. Imano parlanaykipaqpis noqami tantiyasishayki>>.

Niptinmi Moisés nirqan: <<¡Ay, TAYTA DIOS! Noqaqa parlaytapis manami shumaqqa yachäsu. Manami kananlaraqsu sayno kaykä, sinöqa unaypita pasanami. Saymi parlarpis shumaq tantiyasiyta kamäpaküsu>>.

Sayno niptinmi TAYTA DIOS rabyakushpan nirqan: <<Mana valuraptikiqa Leví trïbu wawqiki Aarónmi yanapäshunki. Shumaqmi runakunata tantiyasin. Paymi taripäshunaykipaq shamunqa. Tinkuskiyaptiki seqaypami kushikunqa.