Popular Bible Verses from Éxodo 15

Share

Tayta Dios nirqan: <<Nishqäkunata cäsukayämaptiki, munashqäno kawayaptiki, mandamientükunatapis cäsukur lapan estatütükunatapis cumpliyaptikiqa Egipto runakunata castigashqänöqa manami qeshyawan castigayäshaykisu. Noqami qamkunata kachakäsiq TAYTA DIOS kaykä>>.

TAYTA DIOSMI imaypis valorta qoman. Paytami imaypis alabä. Diosnï kaptinmi payta alabashaq. Paymi awilükunapa Diosnin. Imaypis paylatami adorashaq.

TAYTA DIOS, ima diospis manami qamno kansu. Qamnöqa manami pipis santu kansu. Espantaypaq kaqkunatami rurashkanki.

Salvashqayki runakunatami isanqa kuyapaylapa pushaykanki. Tashqayki sagrädu wayikimanmi munaynikiwan pushaykanki.

Mara partiman chaykur yakuta tarirpis iwjiptinmi upuyarqansu. Yaku iwjishqanpitami say partita jutisirqan Mara jutin kananpaq. Saymi runakuna rabyanäyashpan Moiséspa contran sharkur niyarqan: <<Kanan ¿ima yakutataq upushun?>> Saymi TAYTA DIOSTA Moisés manakurqan yanapänanpaq. Manakuptinmi TAYTA DIOS jachata rikasirqan. Say jachapa rämanta yakuman winarpuptinmi iwjirqannasu. Israel runakunata sayno pruëbaman churarkurmi leykunata y estatütukunata tantiyasishpan