Manami jusaynaq runakunapaqsu leyninkunata Tayta Dios kamariparqan, sinöqa jusalikuqkunapaqmi. Saymi leyninkuna kaykan mana cäsukuqkunapaq, fiyu runakunapaq, jusasapakunapaq, Tayta Diosta manakaqman churaqkunapaq, mamanta y taytanta maqaqkunapaq y runa mayinta wanusiqkunapaq. Saynöpis kaykan majanta qanrataqkunapaq, olqupura kakuqkunapaq, warmipura kakuqkunapaq, runa mayinta rantikuqkunapaq, lulakuqkunapaq, manakaqta jitapar runa mayinpa contran sharkuqkunapaq y ali yachasikuyta mana cäsukur ima jusatapis jusalikuqkunapaqmi.