1
1 Suão 2:15-16
Rikbaktsa
Ikiahatsa Deus sukyrytsitsa batu ahakparawy! Kytsa asahi Deus humo batu siakparawy tsizubarẽna mozihikiknaha. Ikiahatsa ja! Ikiahatsa siwatsa tsizubarẽna tsimyzihikiknaha zeka Deus myzo batu ahatuk ziknapykyryk. Kytsa asahi Deus harere bo batu hỹ mykaranaha tsizubarẽna mozihikiknaha. Tahanamy bo zuba mytsaty mykaranaha. Amy bo iktsa maha zeka ana kino mozihikiknaha. Asa hi: — O katsa zuba mynamy tsizubarẽna. Iwatsahi myhyrizikwanitsa tsimoziknaha — mykaranaha. Kytsa sibo iktsa maha mozihikiknaha. Ikiahatsa siwatsa ahasopyk zeka Deus humo batu ahaspirikpo.
Compare
Explore 1 Suão 2:15-16
2
1 Suão 2:17
Aibani sinamy mohokdaba. Kytsa sinamy zuba mozihikiknaha bykyze sinamybyitsa moziknaha. Deus harere bo hyỹ tynakaranahaktsa iwaze Deus tuk tahawahi mynapykyryknaha hỹ.
Explore 1 Suão 2:17
3
1 Suão 2:6
Katsaktsa Deus pe tsimaha: — O Deus hawa tsimyzihikik ana bo hyỹ — tsimaha. Iwaze hawa Sesus zikzuruku katsa kino niwatihi isopyk watu tsimykaranaha. Sesus watsa tsimyzurukunaha zeka iwaze hawa Deus mozihikik yhỹ tsimykaranaha. Hawa mozihikik ana humo hi myhyrinymyrẽtsa hỹ.
Explore 1 Suão 2:6
4
1 Suão 2:1
O myzubaha kahyrytsa watsa ikiahatsa bo piwatahaka iwahatu hawa batu sapybara humo ka batu ahakparawy. Iwaze imysapybara ty ka moewyhiktaha. Ikiahatsa ahamysapybara ty tsimaha zeka Sesus Kiristu ahatsyhyryze Deus bo mopamykyso. Atahi pahabetesaka Deus myzo babata bo mopamykysoko. Sesus imysapyrẽnikita my.
Explore 1 Suão 2:1
5
1 Suão 2:4
Aty iharere bo hyỹ byizeka katsa mype: — Utakta Deus humo kahyrinymyrẽta — mybarapetu nikara. Deus harere wasape nikara iharere wasani zuba ana humo kino batu ma ziky.
Explore 1 Suão 2:4
6
1 Suão 2:3
Deus harere bo hyỹ tsimykaranahaze itukytsa tsimoziknaha. Iharere bo hyỹ tsimykaranaha ana humo hi itukytsa tsimoziknaha. Anahi tsinymyrykynaha.
Explore 1 Suão 2:3
7
1 Suão 2:9
Atahi: — O uta Deus harere bo hyỹ mykara. Katsy batu kakparawy ihumo kakyrirẽta — iwa mybarapetu mykara. Ata kino tatsy humo takyrikize zimyikik iwatahi Deus harere bo batu ma ziky. Maku miwa ha buruk pitabakaze tawata, tatsy tsiakyriurẽta humo.
Explore 1 Suão 2:9
8
1 Suão 2:22
Kytsa simyspihikbatanikitsitsa tihi: — O Deus Sesus ty batu typeha. Sesus Deus tse byitatu. Deus Sesus zo byitatu — mykaranaha. Iwaze nitsasokonaha asahi Sesus Kiristu humo batu siakparawy.
Explore 1 Suão 2:22
9
1 Suão 2:23
Aty: — O Sesus Deus tse ana humo hi batu spirikpo mykara — iwa my zeka atakta batu Deus humo ispirikpo. Atahi: — O Sesus Deus tse babata — mykara. Atahi Deus humo tispirikporẽta.
Explore 1 Suão 2:23
YouVersion uses cookies to personalize your experience. By using our website, you accept our use of cookies as described in our Privacy Policy
Home
Bible
Plans
Videos