Popular Bible Verses from Romanos 8

Share

Ja̱je pa'ina, i̱ yëyere yo'oja̱'cohua'i a'ë caquë soisicohua'ire si'aye tëto saiyepi de'oye pa'i ja̱'ñere co̱caija̱'coa, Maija'quë oicohua'ire asayë, mai.

Ja̱je pa'ina, Maija'quë maire oiyere nejocaiye ti peoji. Nuñerepa asayë, yë'ë. Ja̱ do'ire ju̱'iñepi, pa'iyepi, hui̱ñaohua'ipi, cua̱ñecohua'i tutupi, cua̱ñe tutupi, yure pa'iyepi, jeteyo'je pa'i ja̱'ñepi, Mëñe ayepi, meñe ayepi, Maija'quë de'huase'epi, nejo ti̱'añe peoji, Maija'quë maire oiyere mai Ëjaë Jesucristona ti̱'ase'ere.

Ja̱je cui'ne Maija'quë joyopi co̱caiji, mai tutu peoyere. Maija'quëre se̱ñe huesëyë, mai. Ja̱je pa'ina, de'o joyopi ai oi Maija'quëre se̱cacaiji, pa̱i yë'opi ca ti̱'añe peoyerepa.

Ja̱je Maija'quëpi maire de'oyerepa necaisiquëre ¿nepi maire sa̱ñope yo'o ti̱'añe pa'iquë'ni? Ti peoji, sa̱ñope yo'o ti̱'aquë.

De'oji, yure cato Cristo Jesús ja̱'re tsioni pa'icohua'ire ti sa̱i de'hua cua̱ñoñe peoji.

Ja̱je pa'ina, pa̱ise'e noni pa'iyere cuasayepi cato ju̱'iñena saye a'ë. Ja̱je pa'iquëta'are Maija'quë joyo ayere cuasayepi cato de'oye pa'iyena saye a'ë.

Ja̱je si'aye iye yo'oye pa'iquëta'are maipi ñese quëcosicohua'irepa pa'iyë, maire oisiquë do'ipi.

Yure mai ai yo'oye teaye pa'ye a'ë. Ja̱je pa'ina, mai ai yo'oyepi co̱ni ñato peoji, jeteyo'je mai pa'i ja̱'ñere. Ja̱je pa'ina, Maija'quë de'oyere papi maini pa'ina, de'ocohua'irepa pa'ija̱'cohua'i a'ë.

Ja̱je pa'ito ai yo'oyepi, co'a ju̱'ijë oiyepi, sa̱ñope yo'oyepi, a̱iñe peoyepi, ju'iye peoyepi, ne ju̱'iñepi, pa̱nita'a ju̱ni huesëyepi ¿Cristo maire oiyere nejocaiye pa'iquë? ¡Pa̱ni!

Ja̱je se̱ina, Maija'quë sa̱'nahuë joyorepa cuasaye ñaquëpi i̱ joyo cuasaquë se̱ñe asaji, joyopi i̱ tse̱cohua'i pa'i ja̱'ñere caquë, Maija'quë yëyeje̱ pa'ye se̱ina.

Si'aohua'i Maija'quë joyopi cuaquëna, pa'icohua'i cato Maija'quë mamajë a'ë.

Ja̱je pa'ina, pa̱ise'e noni pa'iyere pa'icohua'i cato pa̱ise'e cuasayere cuasajë pa'iyë. Ja̱je pa'ijëta'are joyo pa'iyere pa'icohua'i cato joyo pa'iyere cuasajë pa'iyë.

Maija'quë i̱ mamaquëre papi mai do'ire ju̱cacaija̱quë caquë ¿i̱sisiquë me i̱siye pa̱quë'ni, i̱ mamaquë ja̱'re co'amaña pa ja̱'ñe? Si'aye i̱sija̱'quë api. ¿Me pa̱quë'ni?

Maija'quë joyopi mai joyo ja̱'re co̱ni nuñerepa Maija'quë mamajërepa pa'icohua'i a'ë quëayë, maire. Ja̱je pa'ina, Maija'quë mamajë sëte mai si'aye i̱ ca nëose'e paja̱'cohua'i a'ë, Cristo ja̱'re co̱ni te'e. Maipi te'e i̱ ja̱'re ai yo'osicohua'i pani, i̱ de'oyerepa jeteyo'je paja̱'cohua'i a'ë, i̱ ja̱'re co̱ni.

Coa pa̱ise'e noni pa'iyere cuasajë yo'ocohua'i cato Maija'quëre sa̱ñope yo'ocohua'i a'ë. Ja̱je pa'icohua'ipi Maija'quëre coecohua'ipi i̱ cua̱ñeñe sehuojë pani ti̱'añe peoyë.

De'hue Maija'quë mamajëre i̱ñoquëna, ñasi'i caco si'a yeja Maija'quë de'huasico ai ña ëa ju̱'io uteco pa'ico.

Ja̱je pa'ina, yureje̱ mai asayë, si'aye Maija'quë de'huasicopi nomio tsi̱ co̱a huëoni ai a'si ju̱'iñeje pa'ye ai yo'oco oio pa'iye.