Popular Bible Verses from Romanos 14

Share

Ja̱je pa'ina, Maija'quë cua̱ñe te̱'te cato pa'ima'ë pa'iji, coa a̱o a̱iñepi cui'ne u̱cuyepi. Coa i̱tirepa cato nuñerepa pa'iye a'ë, de'oye jo'cua pa'iye a'ë, cui'ne sihuaye a'ë, Maija'quë joyo pa'i do'ire. Ja̱je Cristore de'oye necaiquë pa'ito ja̱ necaiyepi Maija'quë sihuayere neñe pa'iji. Cui'ne ja̱je pa'ini pa̱ije de'o pa̱i api cajë ñañe pa'iji.

Ja̱je pa'ina, mai huajëcohua'i pa'ini pa'iyë, mai Ëjaëni pacacaijë. Cui'ne ju̱ni huesënije mai Ëjaëna ju̱cacaiyë. Ja̱je pa'iye sëte ja̱ pa'inije cui'ne ju̱ni huesënije mai Ëjaë tse̱cohua'i pa'iyë.

Ja̱je pa'iye sëte co'ejë pañu'u, de'oye jo'cua pa'iyena sayere. Cui'ne ai tutupi yo'ojë co'eñu'u, mai ai de'oyena sa ja̱'ñere, si'aohua'i ai de'oja̱jë cajë.

Ja̱je pa'ina, yecohua'ire se̱ñajë cayere je̱oni coa ai jerepa i̱ohua'i asase'ere cuasajë de'oyere yo'ojë pa'ijë̱'ë, Maija'quë do'ijë ne ta̱oja'core nema'pë cajë.

Ja̱je pa'ina, toyase'e caji: Care payë, caji, Ëjaë. Si'aohua'i yë'ë ña hue̱'ñana do're ja'ruja̱'cohua'i a'ë. Cui'ne ja̱ maca si'aohua'i de'oquëre pa'ni Maija'quë caja̱'cohua'i a'ë. Ja̱je pa'iye sëte, pa̱i ñape mai yo'ose'e i̱ñoja'cohua'i a'ë, i̱ti yo'ose'eje̱ pa'ye, Maija'quëna.

Ja̱je pa'ina, Maija'quëre necaiquëre pare cuasayere joyo tutu carasiquë pa'ito, tsiojë̱'ë, i̱te, pa̱i cuasase'ere ca huëoni sa̱'ñe uihuama'pë.

Ja̱je pa'ina, ¿më'ë i̱quei'ni yequëre necaiquëni ñaquë tayo yo'oji caquë yo'o ja̱'ñe? I̱ ëjaëpi ñañe pa'iji, de'oquë pa̱nita'a co'aquë pa'iye. Ja̱je pa'iquëta'are de'oquërepa pa'ija̱'quë api, mai Ëjaë de'oye ne tutu paquëre me, me co'aquë'ni.