Popular Bible Verses from Romanos 12

Share

Ja̱je pa'ina, mësaruje̱ pa'ijë̱'ë, iye yeja pa̱i yo'ojë pa'iyere coa ai jerepa ja̱re yo'oma'pë. Mësaru cuasayere ti̱ñe cuasajë pa'iyena po̱najë'ë, mësaru pa'iyepi ti̱ñe yo'ojë pa'iye po̱nëja'core. Po̱nëona, yureta'a Maija'quë yëye asa ti̱'aja'cohua'i a'ë. Asa ti̱'acohua'ipi pani de'oyere, Maija'quë sihuaquë ñañere cui'ne nuñere pare asaye pa'iji.

Ja̱je pa'iye sëte Maija'quë do'ijë mësarute se̱ñë, Maija'quë oni yejesi do'ire, mësaru pa'iyere Maija'quëna i̱si huesëjë̱'ë, huajëquëre pare. I̱na i̱sisicohua'ipi pani, Maija'quë sihuaja̱'quë api cui'ne ja̱ i̱siye cato nuñerepa yo'oye a'ë.

Sihuajë pa'ijë̱'ë, mësaru yequë mu'se pa'i ja̱'ñere utejë pa'icohua'i. Ai yo'onije quëcojë̱'ë. Je̱oma'pë pa'ijë̱'ë. Maija'quëre se̱ñe si'anë se̱jë pa'ijë̱'ë.

Co'ayena quëco cua̱ñoma'ë pa'ijë̱'ë. Coa ai jerepa co'ayere ñese quëcojë̱'ë, de'oye yo'oyepi.

Sa̱'ñe oiye pa'iji, Maija'quë do'ijë ëaye. Yecohua'ini de'ocohua'ire cuasajë coa tea ju̱'iñeje yo'oma'pë sa̱'ñe oijë de'oye pa'ijë̱'ë.

Sa̱'ñe nuñerepa oijë pa'ijë̱'ë. Co'ayere coejë, de'oyere yo'ojë pa'ijë̱'ë.

Mësaru ai cuasaye ja'i maca de'oye yo'ojë pa'ijë̱'ë, yecohua'i ja̱'re de'oye pa'iyere cajë.

Maija'quë do'ijë maña mësarupi sa̱iñu'u cajë yo'oma'pë pa'ijë̱'ë, co'aye yo'ocohua'ire. Coa ai jerepa Maija'quëpi sa̱icaija̱'quë api cuasajë pa'ijë̱'ë. Ja̱je pa'ina, toyase'e caji: “Yë'ëpi co'aye yo'ocohua'ire sa̱iñe payë, si'seye pa'itoje̱,” caji, Ëjaëre papi.

Nere pacohua'i pa'ijë̱'ë. Jo̱saohua'i pa'ima'pë pa'ijë̱'ë. Mai Ëjaëni necaijë̱'ë, si'a joyorepa cuasajë toa tsë̱'ise'eje̱ pa'i joyore papi.

Quëaja̱quë caquë Maija'quë yë'ëre coa i̱sipi. Ja̱ do'ire mësarute cayë, mësaru aquëpi te'ije̱ yë'ëpi ai asayë cuasaye pa̱jaquë, i̱ti cuasa maña i̱pi i̱siye ja'i maña cuasaja̱'quë. Ja̱je pa'ina, Maija'quëre necaiquëre pare asa do'ire yo'o ja̱'ñe i̱sise'e ja'ye cuasajë yo'oye pa'iji. Tëto saiperepa cuasato co'aji.

Sa̱ima'pë pa'ijë̱'ë, co'aye yo'osicohua'ire cui'ne co'ayepi. Coa ai jerepa de'oye cuasajë yo'ojë̱'ë, pa̱i ña hue̱'ñana.

Si'aohua'i sa̱'ñe de'oye yo'ojë pa'ijë̱'ë. Yë'ë a'ë, jerepa pa'i cuasama'pë pa'ijë̱'ë. Coa ai jerepa teaye pa'iohua'i pa'iyena i̱ni pa'ijë̱'ë. Ta̱'ñe pa'iohua'i a'ë cuasama'pë pa'ijë̱'ë.

Cui'ne caji ja̱re i̱pi: “Më'ëre sa̱ñope yo'oquëpi a̱o ëa ju̱'ito a̱ojë'ë. Cui'ne co̱no ëa ju̱'iquë pa'ito o̱cuajë̱'ë. Ja̱je yo'ojëna, i̱ti sa̱ñope yo'oquëpi yë'ë co'aquëre pa'ni cuasaja̱'quë api, huajëya'ye pa'ija̱'quëpi.”

Mësarute jo̱sa yo'ocohua'ire de'oye pa'ija̱jë cuasacaijë̱'ë. I̱ohua'i de'oye pa'i ja̱'ñere se̱cacaijë̱'ë, pa̱ni ai yo'oye pa'ija̱jë cuasajë se̱ñe. Sihuacohua'i ja̱'re tsioni pa'ijë sihuacohua'i pa'ijë̱'ë. Cui'ne ota oicohua'i ja̱'re pa'ijë mësaruje̱ oicohua'i pa'ijë̱'ë.

Co̱caijë̱'ë, Maija'quë tsëcapë acohua'ire, i̱ohua'ire jopo caraye pa'ito. Mësarute do'i daicohua'i pa'ito de'oye yo'ojë̱'ë.

Ñajë'ë, mai ca̱pë yo'o ja̱'ñe huahuese'e pa'iyere. Si'aye te'e co'amañare yo'oye pa̱ji. Ja̱je cui'ne maije jai pa̱i pa'ijëta'a Cristona tsiosicohua'ipi pa'i do'ire Cristo ca̱pë acohua'i pa'iyë. Pa'ijë pa̱i ñape yequëna se tsiosicohua'ipi te'e ca̱pë acohua'i pa'iyë.