Popular Bible Verses from 2 Corintios 6

Share

Tsioma'pë pa'ijë̱'ë, sehuoma'a pa̱ire. Ja̱je pa'ina, ñajë'ë, nuñerepa yo'oye ti tsioye peoji, nuñe yo'o ma'ñe ja̱'re co̱ni. Cui'ne miañeje ti tsioye peoji, neañena co̱ni.

Ja̱je cui'ne Maija'quëre se̱ huë'e ti̱o pa'ina, cui'ne ti̱o pa'iji, coa de'huasi diusure se̱ huë'eje̱, te'e cui'ne yo'oyeje̱ peoji. Ja̱je pa'ina, Maija'quë huajëquërepa huë'e a'ë, mai. Ja̱je pa'ina, i̱pi capi, ñeje: I̱ohua'i ja̱'re co̱ni pa'i, i̱ohua'i ja̱'re cusi'i. Yë'ëpi i̱ohua'i Diusu pa'ija̱quë a'ë. Cui'ne i̱ohua'ipi yë'ë pa̱irepa pa'ija̱'cohua'i a'ë.

Ja̱je pa'ina, mai Ëjaëpi caji: Ja̱ohua'i jopo pa'icohua'ipi etani, ja̱ohua'ire tsioma'pë, cui'ne si'sije̱ pu̱'pema'pë pa'ijë̱'ë. Ja̱je pa'ijëna, yë'ëpi mësarute sihuaquë i̱masi'i. I̱mani mësaru ja'quë pasi'i. Pa'ina, mësarupi ë̱mëohua'i cui'ne nomiohua'i yë'ë mamajë pa'ija̱'cohua'i a'ë. Ja̱je caji, Ëjaërepa si'aye tutu paquëre papi.

Cristopi huati ja̱'re te'e yo'oye pa̱ji. Sehuosiquëpi sehuoma'quë yo'oyeje̱ cui'ne te'e yo'oye pa̱ji.