Popular Bible Verses from 2 Corintios 4

Share

Ja̱je pa'ina, yëquë cato cuasama'pë pa'iyë, ñaco ca̱ ña ti̱'añere. Coa ai jerepa yëquë cato cuasayë, ña ti̱'a ma'ñere. Si'aye ñañe cato coa caraja̱iñe a'ë. Ja̱je pa'iquëta'are ja̱ yë'ta'a ña ti̱'a ma'ñe cato ti pani huesëye a'ë.

Ja̱je pa'ina, yëquë coa yo'o jujahuë cuasaye pa̱ñë. I̱ño ë̱mëje'e ca̱pë cato aiohua'i de'onije jeto sa̱'nahuë cato mu'seña ñape huajëcohua'i de'ojë pa'iyë. Ja̱je pa'ina, iye yeja yëquë ai yo'oye cato coa da saiye a'ë. Ja̱je pa'ina, ja̱ ai yo'oyepi ti pani huesëye ai jerepa de'oyere pa ja̱'ñere necaiji.

Ja̱ tuture pajë, jaiye ai yo'oye pa'itoje̱ de'hue yo'o jujama'pë pa'iyë. Ja̱ tuture pajë jaiye co'a ju̱'iñe pajëta'a me neja'cohua'i a'ni cuasayere peoyë. De'oye pa'iye peoye jo̱sa yo'oyë, maire. Ja̱je yo'otoje̱ je̱ocosicohua'i pa'iye pa̱ñë. Ne ta̱oñë, maire. Ja̱je pa'iquëta'are ne huesoye pa̱ñë.

Ja̱ asayere jai do'i a'ë. Ja̱re maina payë, soto cua'conoa ayayeje̱ pa'ye. Maija'quëpi maina tutu peocohua'ire i̱sipi, ja̱ asaye. Maija'quë tutu a'ë asaja̱jë caquë. Pa̱ni, pa̱i tutu.

Ja̱je pa'ina, I̱ohua'i sehuoye coe do'ire iye yeja cua̱ñe diusupi i̱ohua'i asayena ne pore huesopi Maija'quë pa'iye aye i̱ñoquë de'oquërepa Cristo de'o coca miañere ña ti̱'ama'pë pa'ija̱jë caquë.

Ja̱je pa'ina, iye yeja miañe nequëpi mai joñoana Maija'quëpi miañe necaji'i, yecohua'ire i̱ñojajë caquë. Maija'quë ja̱je necaji'i, maipi Jesucristo ayere ye'yejë i̱re cui'ne i̱ de'oyere pare asaja̱jë caquë.