Popular Bible Verses from 1 Timoteo 4

Share

De'hua ñaquë pa'ijë̱'ë, më'ëre po̱sëni co'aye cajë cue'cuejë. Ja̱je pa'ina, më'ë coca cayepi, më'ë yo'oyepi, pa̱ire oiyepi, Maija'quë pa'ire paji cuasayepi, cui'ne nuñerepa de'oyese'e yo'oquë pa'iyepi i̱ñojë'ë, sehuosicohua'ire. I̱ohua'ije̱ më'ë pa'iyeje̱ pa'ija̱'cohua'ire.

Më'ë tutu quë'i pa'ija̱'quë caquë ai cuasajë yo'oye a'ri maña co̱caiye a'ë. Maija'quëre de'oyerepa pa'iye cato iye yeja pa'iye, cui'ne jeteyo'je pa'i ja̱'ñeje co̱caiye a'ë.

Më'ë pa'iye, cui'ne më'ë yecohua'ire ye'yaye de'hua ñaquë, si'aye o̱cue pa'i macarepa yo'oquë pa'ijë̱'ë. Ja̱je më'ëpi iyere yo'oquë co'ye huaso cua̱ñoquëna, cui'ne më'ë caye asacohua'ije̱ huaso cua̱ñoja'cohua'i a'ë.

Ti̱ñarepa quëaji, Maija'quë joyopi ñeje: Tëji mu'seña jai pa̱i Maija'quë pa'iji cuasayere je̱ocoja̱'cohua'i a'ë, caquë. Coa coso joñoa ye'yayere tuijë, huatiohua'i ye'yayere ye'yejë.

Ja̱je pa'ina, ti asacaima'ë pa'ijë̱'ë, iye yeja aipë coca huesëjë caye. Maija'quë co'amaña necaiyere pare yo'oquë ye'yejë̱'ë.

Ja̱ yë'ta'a yë'ë ti̱'ama'në Maija'quë toya pëpëre si'a pa̱i sehuosicohua'i asajëna, ñaquë quëajë̱'ë. Ja̱ohua'ipi jerepa yëjë yo'o jujama'pë pa'ija̱'cohua'ire. Ja̱je ye'yajë̱'ë.