Popular Bible Verses from 1 Corintios 5

Share

Yë'ë cato ñeje cahuë, tsioma'pë pa'ijë̱'ë, sehuohuë caquëpi ja̱ yë'ta'a yahue nomiore yo'oquëre, co'amaña yahue i̱maquëre, jaiye co'amaña yëquëre, Maija'quëre cuasaye jerepa co'amañase'e cuasaquëre, co'a coca caquëre co̱no cuepequëre. Ja̱je pa'ire cato co̱ni tsioni a̱ima'pë pa'ijë̱'ë, cahuë.

Ai hua̱no o'sa së̱pëje̱ pa'ire co'aquëre eto saojë̱'ë, mësaru de'ocohua'ise'e pa'ija̱'cohua'i, huajë së̱pëje̱ pa'iohua'ise'e. Egíptopi judío pa̱i etajë pa'ise'ere cuasajë a̱iñeje pa'i pan pa'ijë̱'ë, ti co̱'mema'cohua'i. Cristo mai do'ire ju̱cacaji'i. Ja̱je pa'ina, ja̱ë api, yëi ñama mai eta huajëse'ere cuasajë yo'oquë.

Sehuoma'cohua'ini tayoyë, maipi caye peoji. Maire cato sehuosicohua'ise'ere ñaquë ca de'huaye pa'iji. Sehuoma'cohua'ire cato Maija'quëpi co'aji caye pa'iji. Ja̱je pa'ina, mësarupi sehuosicohua'i aquëpi tayoto ca de'huaye pa'iji. Ja̱ do'ire ja̱ëte tayo yo'oquëre mësaru ja̱'re pa'iquëre eto saoye pa'iji, po̱nëma'quë pani.