Popular Bible Verses from Romanos 11

Share

Antis lapan ima-aygas shamun Tayta Diospitam. Nätan cayansi pay munaptinmi, jinaman paypagmi. Pay cachun alawasha imaypita imaycamas. Chaynuy cachun.

Chaura alisca alisca yachragmi musyagmi Diosninchiga, manam lapalantaga chaynuy yachranganta chaynuy musyanganta tantiayta atipanchichu. Mana tantiay atipänam cayan Dios chaynuy rurayangan, jinaman ruray munayangancunas.

Chaura ¿pitag musyan Munayniyog Dios imata pinsiangantas? ¿Pitag payta “Caynuypam wacnuypam ruranquiman” niman? Manam pisi.

Chaynuymi canansi Diosga puchurayächin walcalataga chay Israel castäcunapita, paycunata Diosga cuyapälarmi acracurayan. Chaura Diosga manam paycunata acrasha imatas ruranganpitachu, antis cuyapälarmi, nätan imapitas ruranganpita carga manam chayga cuyapaychu canman.

Abrahamga cayan olïvus montinuymi. Chay montipa rämantachu muturuchwan chay mutushanuymi carcayan Abrahampa waquin castancuna. Nätan chay mutushaman injertagnuymi gamcunataga rurararcayäshunqui. Chaymi cananga carcayanqui “Diospa runan” nisha. Chaura injertashala cayarga amam “Israel castacunapitaga mas alim cayä” ninquimanchu. Chaynuy ninaypagga manam unaypitachu Abrahampa castan canqui, antis mas guepataran castanmanga muyurayanqui.