Popular Bible Verses from 2 Tesalonisẽnses 3

Share

Nxe³sa²sĩn¹ju³ta² Je³su² Kris²tu³jah¹la² nũ̱³kxũn³khai¹nxe²na³la². Sa³ta³na²jah¹la² hxi²ka² wxa²wxai³nxa²lxi³kxa²ya̱n³txi³su² ã³non²ta³kxi¹nx2ti³tu¹wa². A²nxũ²kwa̱i³lxũ¹nxa²lxi³tu¹wa². Hai³txi³ sa²yxo²ã³ti³hex1nxe³nx2ti³xa³lho³la².

Jã¹nxe³jut3su² Txa²wã¹sũ̱³na² a³lxi²nẽ³ju³ta² jũ¹nxe² ã³ne³wxe³ki̱³sa²kxai³ Kris²tu³jah¹la² nũ̱³kxũn³txi³ ã³si³tẽ³kxi²ki̱³ju³ta² jũ¹nxe² ã³ne³wxe³ki̱³sa²kxai³ nxe³ki̱³tã³la². Nxe³ki̱³kxan²ti³ ju¹tai²li² ã²la² kãi²non³sxã³ ã³ne³wxe³nx2ti³si¹ha¹jau³su² Txa²wã¹sũ̱³na² e³kxi²to³ha¹wa².

Txa²wã³tã̱³nãu³xãi³. Wxa²nũ̱³ka̱³txa² ha³tih³ ĩ³nxai²na² u̱³txi³ wa³ko³nain¹te²su² ta¹hẽ¹la². Te²yã¹xah³lxi³txa³hẽ¹la². A²nxe³jah¹lai²li² txa²wã³tã̱³su² kxan²ti³ te²yã¹nxe² kãi³yah³lxi³txa³hẽ¹la². Nxe³jah¹lai²li² ã³sxã³ u²lxi³ ã³si³tu³lxi²sxã³ yxau³jah¹lxi³hẽ¹la². Te²yã¹nxe³jau³xa² e³kxi¹nx2ti³to³nha¹tai¹ti²tu³wa². Je³su² Kris²tu³jah¹la² Txa²wã¹hxi²kan¹ta² Si³yxau³jah¹lo²kxai³lu² jau³jau¹xai²na² ĩ³kwa³na³sain¹jau³jau¹xain²txi³ ĩ³kwa³na³nx2ti³nha¹wa².

Jã¹nxe³sxã³ a²nũ²a² kuh³lxa³thin¹te²su² te²a² ko̱³nxe³ti³ kãi³te²su² te²a² nxe³sxã³ Txa²wã¹sũ̱³na² ã³non²ta³kxi²sa²si¹hain¹sĩ¹na¹jau³su² ten³sa²sĩn¹nha²wa², yxo²ĩ²xa³te²a² kãin² yũ³ha²kxai³la².