Popular Bible Verses from Salmos 91

Share

he'i Ñandejárape: “Tupã, nde hína upe che mo'ãva, nde rehe che ajerovia.”

Upe oikóva upe Yvatetegua ãme, ha oñemoĩva upe Ipu'akapáva guýpe

Ajapysakáta hese chéve oñembo'évo, ojejopy vai ramo hendive aiméta che. Añangarekóta hese ha amoherakuã porãta.

Tupã he'íta hemimbou*f** kuérape oñangareko haguã nde rehe mamo reikoha rupi.

Nde aho'íne ipepópe ha iguýpe reñemo'ãne. Heko jeroviaháva oñangarekóne nde rehe.

Ñandejára nemo'ã haguére ha upe Yvatetegua oñangareko haguére nde rehe, mba'eve ivaíva ndojehu mo'ãi ndéve, mba'asy noguahẽ mo'ãi nde rógape.

Ndohejái chéne re'a ñuhãme, térã mba'asy oporojukávape.

Nde asu gotyo omano ramo mil, ha nde akatúa gotyo 10 mil, ndéve mba'eve ndojehúi chéne.

Pyharekue nderekyhyje mo'ãi mba'eve oporomondýivagui ha arakue hu'y ojepoívagui. Nderekyhyje mo'ãi mba'asy pyhare oguahẽvagui, térã araitépe oporojukávagui.