Popular Bible Verses from Salmos 37

Share

Ñandejára nde py'a tombovy'a, ha'e ohupytykáne ndéve opa mba'e nde py'aite guive reipotáva.

Ñandejára pópe emoĩ nde rekove, hese ejerovia, ha ha'e oñangarekóne nde rehe.

Kirirĩháme eiko Ñandejára rovake, ha eha'arõ ha'e ta ne pytyvõ. Ani ne mbopochy upe oñakã rapu'ãva, térã upe ñuhã omoĩva hapichápe.

Ñandejára rehe ejerovia ha ko yvy ári reikóvo rehupytýne py'a guapy.

Ñandejára oisãmbyhy yvypóra rekove, ha'e omboguata chupe hapére. Ho'a ramo jepe opu'ã jeýne, Ñandejára oguerekógui chupe ipópe.

Kuarahýicha ojajáine nde reko joja, araícha hesakãne nde reko potĩ.

Ani nde pochy ha reñemyrõtei, pochy niko opa mba'e mbyaiha.

Che mitã vaekue, ko'ágã katu che tujáma, ha ndahecháiva heko potĩva oikotevẽ ramo, térã ta'ýra kuéra ojerure ramo upe rupi rei ho'u vaerã.

Ani nde pochy oĩ haguére iñañáva. Ani reikose heko joja'ỹva oikoháicha.