Popular Bible Verses from Salmos 139

Share

Che mopirĩmba ha che mbojurujái upe che rehe rejapóva. Upévare romomba'e guasu. Ajépa tuicha ite upe ne rembiapokue.

Tupã, eipyguara che py'apy, eikuaa mba'épa oĩ che apytu'ũnguápe, ehecha ahápa hína tape vaíre, ha che mboguata uvei nde rape opa'ỹva rupi.

Opa che retepy ne rembiapokue, ha che sy rye pýpe che apo ñepyrũ vaekue.

Aikove mboyve, nde che recháma vaekue. Ha nde kuatiápe oĩmbáma mba'éichatapa che rekove, peteĩ árante jepe aikove mboyve.

Ore Jára, nde reipyguara che reko ha nde che kuaa.

Mba'éicha piko añemomombyrýta nde hegui? Moõ piko ikatúta akañy nde hegui?

Nde reikuaa aguapy ha apu'ã ramo, mombyry guive reikuaa upe che akãme arekóva.

Ñe'ẽ ne'ĩra gueteri osẽ che jurúgui, ha nde, che Jára, reikuaáma upe ha'étava hína.

Reikuaa aguata térã aguapy ramo, opa mba'e ajapóva reikuaa.