Popular Bible Verses from Salmos 103

Share

Amomba'e guasu Ñandejárape che py'aite guive, nda che resarái chéne heta mba'e porã ome'ẽ hague chéve.

Ha'e oheja rei chéve che rembiapo vaikue ha che mongueráva opaichagua mba'asýgui. Ha'e ndohejái apa yvy kuápe ha mborayhúpe che añuã ha che mokunu'ũ. Opa mba'e aikotevẽvagui iporãva meme chéve ome'ẽ ha taguato ra'ýicha che momitã jey.

Amomba'e guasu Ñandejárape che py'aite guive, che py'aite guive amomba'e guasu héra marangatu.

Túva omokunu'ũháicha ta'ýra kuérape, upéicha avei Ñandejára umi chupe omomba'éva ndive.

Kuarahy resẽ mombyryháicha kuarahy reikégui, upéicha omomombyry ñande hegui ñane angaipa.

Ñandejára imba'e porã ha oporoporiahurereko, ndaipochy reíri ha oporohayhu.

Nomyengoviái ñandéve ñane angaipa, ha ndojapói ñande rehe ojapo haguãicha. Yvága oĩ mombyryháicha yvýgui, upeichaite tuicha imborayhu umi hese ojeroviávare.

Ñandejára omoĩ iguapyha yvágape, ha upe guive oisãmbyhy opavavépe.