Popular Bible Verses from Proverbios 3

Share

Ejerovia Ñandejárare nde py'aite guive, ha ani nde jehe añónte. Eikuaáke ha'e oĩha opa rupi, ha ha'e omyesakãtaha ndéve nde rape.

Ani ere nde jehe ne arandu etereiha. Emomba'e Ñandejárape ha eheja mba'e vai.

Emomba'e Ñandejárape opa mba'e rerekóvape, ha opa remono'õ tenondévape nde kokuégui. Péicharõ, nde róga henyhẽta koga'águi, ha ne mbayru kuéra kaguy pyahúgui.

Opa ára kena ne marangatu ha nde py'a porã, jeguaka ramo ereko nde jehe, ha eñongatu nde py'a pýpe umi mba'e.

Che ra'y, ani rejahéi Ñandejára rehe oñemoñe'ẽ ramo ndéve, térã nde pochy ha'e nde reko mbo'e ramo. Tupã oja'óva voínte ohayhúvape, ta'ýrare ojapoháicha itúva.

Che ra'y, ani nde resarái che ñe'ẽgui. Nde py'a ruguápe eñongatu ndéve ha'éva. Péicharõ reikove pukúta ha reiko porãta.

Ovy'a vaerã arandu ojuhúva ha iñakã porãva. Upéva iporãiteve plátagui ha ohejaiteve órogui. Iporãve ita jeguágui, ha ndaipóri imbojojaha.

Oikotevẽva oñembojárõ ne rendápe, ani rejere chugui. Ikatu ramo, eipytyvõ chupe.

Tupã, arandu rupi, ojapo vaekue ko yvy, ha imba'e kuaápe omohenda pe yvága.