Popular Bible Verses from Proverbios 22

Share

Mitãme ehechauka michĩreve haperã, upéicharõ ituja rire jepe ndojei mo'ãi chugui.

Umi ojejapo'ỹva ha Tupãme ombyajévape guarã jopói ko'ãva: mba'e reta, terakuã porã ha jeikove puku.

Iporãve terakuã porã mba'e rereko hetágui, ha jehayhu, pláta ha órogui.

Umi ipochy reíva ndive ani rejehe'a ha ipire vaívare ani reja.

Yvypóra imba'e porãva ojehovasáne oipehe'ãgui hembi'u imboriahúvape.

Oiko kuaáva ohecha yvykua ha ojere chugui heko tarováva katu ohónte ha ho'a pype.

Imba'e retáva oguereko ipo guýpe mboriahúpe, ha viru oiporukáva umi omba'e porúvape.

Mboriahu ha imba'e retáva mokõivéva peteĩcha: Ñandejára ijapohare.

Ani remonda imboriahúvape imboriahu haguérente, ha ani rejopy ikangýva ndive oñembojovakehápe. Cháke Ñandejára oñemoĩne ijykére, ha imonda harépe ojukáne.