Popular Bible Verses from Proverbios 13

Share

Ne aranduse ramo eiko iñarandúva ndive, reñehundise ramo ejoaju itavývare.

Iñe'ẽ rakate'ỹva hekove ombopuku, oñe'ẽmba reíva katu oñehundi.

Ta'ýrape oinupã'ỹva chupe ndohayhúi, ohayhúrõ añetehápe oinupã mante vaerã.

Mba'e oñeha'arõ aréva ogueru ñembyasy, mba'e jahupytýva katu ñande py'a ombohory.

Teko joja omo'ã heko potĩvape, teko aña katu ohundi iñangaipávape.*f**

Pya'e pya'épe guaréva opa rei, mbegue mbeguepegua katu oiko are.

Tekove jejapo oheka ñorãirõ, ojeheko mbo'évape omoirũ arandu.

Heko porãva heta mba'e oheja hóga guápe, iñangaipáva mba'e katu opyta heko jojávape.

Mitã iñarandúva iñe'ẽ rendu itúvape, ojejapóva katu nohendúi ñemoñe'ẽ.

Iñe'ẽ renduse'ỹva peguarã mboriahu ha jejahéi, iñe'ẽ rendúvape katu jehecha kuaa.